Jobanyń alǵashqy benefitsiary – Almatydaǵy Ostrovskii atyndaǵy №4 mektep. Bul zaǵip jáne nashar kóretin balalardy oqytatyn Qazaqstandaǵy eń kóne mektep.
Almaty qalasynyń bilim basqarmasy, Dara qory jáne №4 arnaiy mektep-internaty kórý qabileti buzylǵan jáne kóptegen damý kemistigi bar balalarǵa arnalǵan bilim berý júiesin jetildirý baǵdarlamasyn iske asyrý boiynsha memorandýmǵa qol qoidy.
Jobany iske asyrýdyń birinshi kezeńi osy jyldyń 6 aqpanynda bastaldy. Eýropa jáne Eýraziia boiynsha Perkins mektebiniń direktory Dariia Ýdovivich jáne Perkins mektebiniń jattyqtyrýshysy jáne keńesshisi Sonia Alimovich Almatydaǵy Ostrovskii mektebine bardy. Halyqaralyq mamandar oqytý baǵdarlamasymen tanysyp, balalardyń internatta ómir súrý jaǵdailaryn kórip, toptarda jumys isteitin muǵalimdermen kezdesti.
Perkins mektebi bilim berý salasyndaǵy álemdik kóshbasshy bolyp tabylady. Ol 1829 jyly ashylǵan AQSh-taǵy eń kóne bilim berý mekemesi.
Kórý qabileti buzylǵan, sondai-aq 3 jastan 21 jasqa deiingi kóptegen damý aqaýlary bar balalarǵa jan-jaqty bilim beredi. Sonyń ishinde qulaqtary estimeitin jáne kózderi kórmeitin balalar bar. Mektep álemniń 97 elinde jumys isteidi.
Búgingi tańda Qazaqstanda kórý qabileti buzylǵan balalarǵa arnalǵan 11 mektep ashylyp, onda 1450-ge jýyq bala bilim alýda. Almatyda kórý qabileti nashar balalardyń sany shamamen 456. Olardyń jartysynan astamy zaǵip jáne nashar kóretin balalarǵa arnalǵan №4 arnaiy mektep-internatynda oqidy. Sonymen qatar, úide oqityn balalar mektepke bekitiledi.
Jobanyń ekinshi kezeńin júzege asyrý aiasynda Ostrovskii atyndaǵy №4 mekteptiń muǵalimderi elimiz boiynsha osyndai mektepterde jumys isteitin áriptesterimen ózderiniń tájiribelerimen bólisedi.
