- Bizdiń óńirde abaitanýshy Daniial Ásenov Abai, Shákárim, Maǵjan, Máshhúr Júsip jáne Sultanmahmut siiaqty iri tulǵalardyń shyǵarmashylyqtary men aýyz-ádebiet úlgilerin, «Qyz Jibek», «Qobylandy» dastandaryn jatqa biledi, - deidi oblystyq ishki saiasat basqarmasynyń basshysy Ernur Dáýenov.
- Ol táýelsizdik alǵannan beri sońǵy 30 jyl boiy halyq arasynda, ásirese jastar arasynda iri tarihi tulǵalardyń týyndylaryn nasihattap keledi. Daniial aǵany kópshilik «Bizdiń Abai» dep tanidy.
2018 jyldan beri Pavlodar oblysynyń qalalary men aýdandarynda abaitanýshy, qoǵam qairatkeri Danial Ásenovtiń qatysýymen «Abai aýylǵa keldi» atty joba júzege asyryldy.
Jobanyń maqsaty – Abai men Maǵjannyń shyǵarmashylyǵyn nasihattaý, jastardy óleń jattaýǵa yntalandyrý. Abai men Maǵjannyń obrazynda óleńderin jatqa oqyp berý.
Osyǵan bailanysty Pavlodar oblysynyń ishki saiasat basqarmasy Soltústik Qazaqstan oblysynyń qalalary men aýdandarynda atalmysh jobany júzege asyrýdy usynady.
Aita keterligi, tanymal abaitanýshy, sahna tórinde Abai rólin talai oinaǵan Daniial Ásenov shaǵyn spektakl jazyp, ony kórermenderge usyndy jáne óńirimizdiń qalalary men aýdandaryn eki ai boiy aralap shyqqan. Osy ýaqyt aralyǵynda 50 eldi mekenniń turǵyndaryna Abai Qunanbaiulynyń shyǵarmashylyǵyn nasihattady.
