Óńir turǵyndary aldyndaǵy eseptik kezdesýinde SHQO ákimi Danıal Ahmetov jol-kólik ınfraqurylymynyń jaǵdaıyn jaqsartý jóninde aıtty.

Aımaq basshysy avtokólik joldaryn jóndeýge jáne kútip ustaýǵa 64,4 mlrd. teńge qarjy bólingenin jetkizdi. Jobalardy júzege asyrý nátıjesinde sapasy jaqsy jáne qanaǵattanarlyq jaǵdaıdaǵy joldardyń úlesi 81%-ǵa deıin jetken.

Oblys ákimi óz sózinde óńirdiń jol-kólik ınfraqurylymyn jaqsartý eń áýeli adamdardyń ómir súrý sapasyn arttyrý jáne olarǵa jaıly jaǵdaı týǵyzýdyń basty sharttary ekenin atap ótti. 

Bıyl atalǵan salaǵa 102,8 mlrd. teńge ınvestısıa salynady, onyń 82,3 mlrd. teńgesi respýblıkalyq mańyzdaǵy joldarǵa («Taldyqorǵan-Qalbataý-Óskemen jáne Qalbataı-Maıqapshaǵaı»), 20,5 mlrd. teńgesi oblystyq, aýdandyq mańyzdaǵy jáne eldi mekenderdiń ishindegi kóshe joldaryna bólinip otyr.
Oblys boıynsha 397 shaqyrym avtokólik joly men 83 shaqyrym kóshe joldaryna ortasha jóndeý jumystary júrgiziledi.

Sonymen qatar Semeı-Qaınar, Óskemen-Altaı-Rahman qaınary, Aıagóz-Tarbaǵataı-Boǵas kólik joldaryna jóndeý júrgiziledi.

Qazirgi ýaqytta 10,3 mlrd. teńgege Óskemen qalasynyń áýejaıyn, 4,7 mlrd. teńgege Úrjar aýylynyń áýejaıyn qaıta jóndeýden ótkizý jumystary bastaldy.
Buǵan qosa aǵymdaǵy jyly Kúrshim aýdanyndaǵy Buqtyrma sý qoımasy arqyly salynatyn kópirdiń qurylysyna qatysty másele sheshim3n tappaq.