ءوڭىر تۇرعىندارى الدىنداعى ەسەپتىك كەزدەسۋىندە شقو اكىمى دانيال احمەتوۆ جول-كولىك ينفراقۇرىلىمىنىڭ جاعدايىن جاقسارتۋ جونىندە ايتتى.

ايماق باسشىسى اۆتوكولىك جولدارىن جوندەۋگە جانە كۇتىپ ۇستاۋعا 64،4 ملرد. تەڭگە قارجى بولىنگەنىن جەتكىزدى. جوبالاردى جۇزەگە اسىرۋ ناتيجەسىندە ساپاسى جاقسى جانە قاناعاتتانارلىق جاعدايداعى جولداردىڭ ۇلەسى 81%-عا دەيىن جەتكەن.

وبلىس اكىمى ءوز سوزىندە ءوڭىردىڭ جول-كولىك ينفراقۇرىلىمىن جاقسارتۋ ەڭ اۋەلى ادامداردىڭ ءومىر ءسۇرۋ ساپاسىن ارتتىرۋ جانە ولارعا جايلى جاعداي تۋعىزۋدىڭ باستى شارتتارى ەكەنىن اتاپ ءوتتى. 

بيىل اتالعان سالاعا 102،8 ملرد. تەڭگە ينۆەستيسيا سالىنادى، ونىڭ 82،3 ملرد. تەڭگەسى رەسپۋبليكالىق ماڭىزداعى جولدارعا («تالدىقورعان-قالباتاۋ-وسكەمەن جانە قالباتاي-مايقاپشاعاي»)، 20،5 ملرد. تەڭگەسى وبلىستىق، اۋداندىق ماڭىزداعى جانە ەلدى مەكەندەردىڭ ىشىندەگى كوشە جولدارىنا ءبولىنىپ وتىر.
وبلىس بويىنشا 397 شاقىرىم اۆتوكولىك جولى مەن 83 شاقىرىم كوشە جولدارىنا ورتاشا جوندەۋ جۇمىستارى جۇرگىزىلەدى.

سونىمەن قاتار سەمەي-قاينار، وسكەمەن-التاي-راحمان قاينارى، اياگوز-تارباعاتاي-بوعاس كولىك جولدارىنا جوندەۋ جۇرگىزىلەدى.

قازىرگى ۋاقىتتا 10،3 ملرد. تەڭگەگە وسكەمەن قالاسىنىڭ اۋەجايىن، 4،7 ملرد. تەڭگەگە ءۇرجار اۋىلىنىڭ اۋەجايىن قايتا جوندەۋدەن وتكىزۋ جۇمىستارى باستالدى.
بۇعان قوسا اعىمداعى جىلى كۇرشىم اۋدانىنداعى بۇقتىرما سۋ قويماسى ارقىلى سالىناتىن كوپىردىڭ قۇرىلىسىنا قاتىستى ماسەلە شەشىم3ن تاپپاق.