Danial Ahmetov Seimeidi damytý jobalaryn baqylap, kópbalaly analarmen kezdesti
Búgin Shyǵys Qazaqstan oblysynyń ákimi Danial Ahmetov Semei qalasyna jumys saparymen baryp, qalanyń sol jaǵalaýdaǵy ainalma jol arqyly ótetin jaiaý júrginshiler kópiri qurylysynyń josparymen, sondai-aq jaǵalaýdy bekitý jumystarynyń barysymen tanysyp, jylýmen jabdyqtaý nysandaryn aralap, kópbalaly analarmen kezdesti, – dep habarlaidy Dalanews.kz ShQO ákiminiń baspasóz qyzmetine silteme jasap.
Jiyn barysynda qalada injenerlik-kommýnikatsiialyq infraqurylym salý jáne «Sergek» júiesin engizý máselesi talqylandy.
– Semei qalasyn odan ári damytý boiynsha jumysty qarqyndy túrde júzege asyrý qajet. Bul aldymen tsifrlandyrý jáne baqylaýdyń zamanaýi ádisin engizý. Ótken jyly Óskemen qalasynda «Sergek» júiesi engizildi. Búgingi tańda biz jaqsy nátijelerdi kórip otyrmyz. Biyl baqylaýdyń mundai ádisi Semei qalasynda da qoldanylýy tiis. Bul úshin barlyq resýrstar beriledi, – dedi ShQO ákimi Danial Ahmetov.
Aita keteiik, biylǵy jyly Chekoman jáne Abyraly aýyldarynda sýmen jabdyqtaý jelileriniń qurylysyn bastaý, sondai-aq Bajenov, Tańat, Klementevka, Jazyq aýyldarynda bloktyq-modýldik stantsiialardy ornatý josparlanýda. Qaladaǵy toǵyz sý qubyryn, atap aitqanda Berezovskii, Shaǵan, Voshod, Bobrovka, Vostochnyi kentterin, zaǵiptar qoǵamy, Krasnyi kordon aýdandaryn, Almaty, Áýejai – Aiagóz kóshelerin jáne Alǵabas, Granitnoe, Aqbulaq, Polovinki, Murat, Talitsa, Prirechnoe aýyldaryndaǵy sý qubyrlaryn salýǵa jáne rekonstrýktsiialaýǵa JSQ ázirlenýde.
Oblys ákimi soltústik jáne ońtústik jer ústi jaiaý júrginshiler ótkeli jobasyn maquldady.
– Jalpy, joba maǵan unady. Bul meshitke ótý úshin yńǵaily bolady. Jer ústi jaiaý júrginshiler ótkeli úshin 150 million bólýdi tapsyramyn, – dedi óńir basshysy Danial Ahmetov.
Ákim, sondai-aq jaǵalaýdy nyǵaitý jumystarynyń barysymen tanysty. Jalpy qala úshin Beibitshilik aralynyń, Mirnyi, Vostochnyi kentterin Ertis ózeniniń jaǵalaýyn nyǵaitý mańyzdy joba bolyp tabylady. Joba sheńberinde eni 9 metr bolatyn jaǵa boiyndaǵy josparlanbaǵan eńisterge jáne eni 1 metr bolatyn joǵarǵy bóliginiń jiekterine beton plitalaryn tóseý kózdeledi. Betkeilerdi josparlaý kezinde qoldanystaǵy jaǵalaý syzyǵy saqtalady.
Aimaq basshysy «Teplokommýnenergo» MKK ortalyǵy men 103-103A qazandyqtaryn aralady. Oblys ákimi «Ortalyq» qazandyǵyna taǵy bir qazandyq salynatynyn atap ótti.
– Qysqa merzimde jobalyq-smetalyq qujattamany ázirleý jáne «Ortalyq» qazandyǵy úshin qurylysty bastaý qajet. Orynbasarym Baqytjan Baiahmetovke osy taqyryp boiynsha 2 aptada bir ret jinalys ótkizýdi tapsyramyn. Biz budan bylai jylýmen qamtamasyz etýde mundai olqylyqtarǵa jol bermeimiz dep senemin, – dep atap ótti Danial Ahmetov.
Jumys saparynyń sońynda Danial Ahmetov alty balanyń anasy Anar Súleimenova basqaratyn «Januia» otbasyn qoldaý ortalyǵynda boldy. Ortalyqta kópbalaly, az qamtylǵan jáne tolyq emes otbasylar januia tabysyn arttyrý úshin óz isin ashýǵa yntalandyratyn sharalarǵa tartylatyn bolady. Sondai-aq, negizgi qyzmet otbasyndaǵy salaýatty ómir saltyna, qarym-qatynastarǵa nazar aýdarý jáne dene shynyqtyrý men sportpen shuǵyldanýdy nasihattaý, shyǵarmashylyq damýyna yntalandyrý bolady.
Anar Súleimenova ortalyqta 10 jumys orny qurylatynyn, ortasha jalaqy 90 000 teńgeni quraitynyn aitty.
