⠀
Jumys tobyn Ahmetovtyń birinshi orynbasary Erlan Aimuqashev basqardy. Onyń quramyna ShQO Politsiia Departamenti basshysynyń birinshi orynbasary Janbolat Qaletaev, kásipkerlik, jer qatynastary jáne «Shyǵysqazjerqoinaýy» aimaqaralyq departamentiniń basshylary kirdi.
⠀
Oblys ákimi komissiia jumysynyń qorytyndysyn jariia etti.
"Komissiia aýdanda kásipkerlik qyzmetpen ainalysyp jatqan eshbir Qytai Respýblikasynyń sýbektisi joqtyǵyn anyqtady.
Buǵan qosa, videoda kórsetilgen jer ýchaskesin qazaqstandyq kompaniia «Aimager» JK óńdeýde.
Jeke kásipker Almagúl Manakovanyń aitýynsha munda júrgizilip jatqan yntaly jumys 2019 jyldyń 8 tamyzynda alynǵan litsenziia negizinde atqarylýda. Sondai-aq, jer komissiiasynyń oń sheshimi bar. Jumysqa Kúrshim aýdanynyń turǵyndary tartylǵan jáne olardyń qatarynda sheteldik azamattar joq", – dedi Danial Ahmetov.
Al komissiia músheleriniń aitýynsha jalǵan aqparat taratyp, qoǵamdy dúrliktirgen azamattar Shyǵysqa Nur-Sultannan kelgen. Olar bul araǵa qandai maqsatpen kelgenderi tergeý barysynda anyqtalady.
Aita ketelik budan buryn áleýmettik jelide "Kúrshim aýdanynda ózge memlekettiń azamattary altyn óndirip jatyr" degen beinematerial paida bolǵan. Jazbada er adam bul jer telimderi kóktemde Qytaiǵa satylyp ketken 45 myń ga aýmaqqa kiredi dep málimdegen.
Óz kezeginde atalǵan materialmen tanysyp shyqqan Shyǵys Qazaqstan oblysynyń ákimi onyń jalǵan ekenin aityp, halyqty arandatýshylarǵa senbeýge shaqyrǵan.
"Tipti tilimdei jer bolsa da sheteldikterge satylmaidy", – degen edi Danial Ahmetov.
