Ákimniń dereginshe óńirde áleýmettik jaǵynan az qamtylǵan 27 myń kópbalaly ana bar.
Bıylǵy kópbalaly analarǵa kórsetiletin áleýmettik kómektiń mólsheri eki ese artqan. Osylaısha 70 myńnan 140 myń teńgege deıin qarajat tólenetin boldy. Al ataýly áleýmettik kómek úsh esege kóbeıgen. Budan bólek turǵyn úı alýǵa alǵashqy jarna berilip, sýbsıdıa bólinetin boldy.
"Jyl basynan beri áleýmettik jaǵynan az qamtylǵan 21 myń otbasyǵa nemese 100,2 myń adamǵa jalpy somasy 8,3 mıllıard teńge kóleminde ataýly áleýmettik kómek taǵaıyndaldy. Jyl sońyna deıin AÁK-ti shamamen 26 myń otbasy nemese 107,6 myń alady. Oǵan 11 mıllıard teńge qarastyrylǵan", – dedi Danıal Ahmetov Ortalyq komýnıkasıa qyzmetinde ótken brıfıńide.
Shara barysynda SHQO ákimi aldaǵy jyldan bastap shyǵysqazaqstandyqtardyń áleýmettik máselelerin sheshýdiń naqty joldary qarastyrylatynyn tilge tıek etti.
