اكىمنىڭ دەرەگىنشە وڭىردە الەۋمەتتىك جاعىنان از قامتىلعان 27 مىڭ كوپبالالى انا بار.
بيىلعى كوپبالالى انالارعا كورسەتىلەتىن الەۋمەتتىك كومەكتىڭ مولشەرى ەكى ەسە ارتقان. وسىلايشا 70 مىڭنان 140 مىڭ تەڭگەگە دەيىن قاراجات تولەنەتىن بولدى. ال اتاۋلى الەۋمەتتىك كومەك ءۇش ەسەگە كوبەيگەن. بۇدان بولەك تۇرعىن ءۇي الۋعا العاشقى جارنا بەرىلىپ، سۋبسيديا بولىنەتىن بولدى.
"جىل باسىنان بەرى الەۋمەتتىك جاعىنان از قامتىلعان 21 مىڭ وتباسىعا نەمەسە 100،2 مىڭ ادامعا جالپى سوماسى 8،3 ميلليارد تەڭگە كولەمىندە اتاۋلى الەۋمەتتىك كومەك تاعايىندالدى. جىل سوڭىنا دەيىن ااك-تى شامامەن 26 مىڭ وتباسى نەمەسە 107،6 مىڭ الادى. وعان 11 ميلليارد تەڭگە قاراستىرىلعان"، – دەدى دانيال احمەتوۆ ورتالىق كوممۋنيكاسيا قىزمەتىندە وتكەن بريفينگىدە.
شارا بارىسىندا شقو اكىمى الداعى جىلدان باستاپ شىعىسقازاقستاندىقتاردىڭ الەۋمەتتىك ماسەلەلەرىن شەشۋدىڭ ناقتى جولدارى قاراستىرىلاتىنىن تىلگە تيەك ەتتى.
