SHQO ákimi atap ótkendeı, oblystyq baǵdarlama, árqaısysyna aımaqtyq jobalar engen, «Rýhanı Qazyna», «Tárbıe jáne bilim», «Atameken», «Aqparat tolqyny» atty tórt ishki baǵdarlamadan turady. Bıyl atalmysh baǵdarlamalardan bólek, ishki týrızmdi, arheologıa salasyndaǵy ǵylymı-zertteý jumystaryn, úshtildi bilim berýdi damytý úshin 7 mlrd. teńge bólingeli otyr.
– Bes jyldyń ishinde «Rýhanı jańǵyrý» baǵdarlamasyna júzege asyrý úshin qomaqty qarajat bólinbekshi, biraq ol óz-ózin aqtaıdy. Sebebi bul qujat alda turǵan negizgi mindetterdi sheshetin bolady, – dedi Danıal Ahmetov
Aımaq basshysy bul jobalardy júzege asyrý jumystaryna oblysymyzdaǵy aldyńǵy qatarly úsh ýnıversıtetti jumyldyryp otyrǵanyn da atap ótti. Bul jobalar tek ǵylymı sektordy ǵana qamtymaı, zertteý jumystaryna, ásirese mektep oqýshylarynyń zertteý jumystaryna basa kóńil bólininetin bolady. Jumystyń júzege asý prosesiniń mańyzy da sol.
– «Rýhanı jańǵyrý» Elbasy júrgizgen orasań fılosofıalyq eńbekke negizdelgen, – dedi Danıal Ahmetov. – Bul ótkendi tereń saraptap, qazirgini oıǵa alyp, bolashaqqa kóz tastaý.
SHQO ákimi baspasóz qyzmeti
https://dalanews.kz/29385
