پرەزيدەنت جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ ءۇشىنشى وتىرىسىندا شىعىس قازاقستان وبلىسى اكىمى دانيال احمەتوۆ الداعى بەس جىلعا ارنالعان باسىم باعىتتار تۋرالى ايتىپ بەردى.



شقو اكىمى اتاپ وتكەندەي، وبلىستىق باعدارلاما، ءارقايسىسىنا ايماقتىق جوبالار ەنگەن، «رۋحاني قازىنا»، «تاربيە جانە ءبىلىم»، «اتامەكەن»، «اقپارات تولقىنى» اتتى ءتورت ىشكى باعدارلامادان تۇرادى. بيىل اتالمىش باعدارلامالاردان بولەك، ىشكى ءتۋريزمدى، ارحەولوگيا سالاسىنداعى عىلىمي-زەرتتەۋ جۇمىستارىن، ءۇشتىلدى ءبىلىم بەرۋدى دامىتۋ ءۇشىن 7 ملرد. تەڭگە بولىنگەلى وتىر.

– بەس جىلدىڭ ىشىندە «رۋحاني جاڭعىرۋ» باعدارلاماسىنا جۇزەگە اسىرۋ ءۇشىن قوماقتى قاراجات بولىنبەكشى، ءبىراق ول ءوز-وزىن اقتايدى. سەبەبى بۇل قۇجات الدا تۇرعان نەگىزگى مىندەتتەردى شەشەتىن بولادى، – دەدى دانيال احمەتوۆ

ايماق باسشىسى بۇل جوبالاردى جۇزەگە اسىرۋ جۇمىستارىنا وبلىسىمىزداعى الدىڭعى قاتارلى ءۇش ۋنيۆەرسيتەتتى جۇمىلدىرىپ وتىرعانىن دا اتاپ ءوتتى. بۇل جوبالار تەك عىلىمي سەكتوردى عانا قامتىماي، زەرتتەۋ جۇمىستارىنا، اسىرەسە مەكتەپ وقۋشىلارىنىڭ زەرتتەۋ جۇمىستارىنا باسا كوڭىل بولىنىنەتىن بولادى. جۇمىستىڭ جۇزەگە اسۋ پروسەسسىنىڭ ماڭىزى دا سول.

– «رۋحاني جاڭعىرۋ» ەلباسى جۇرگىزگەن وراساڭ فيلوسوفيالىق ەڭبەككە نەگىزدەلگەن، – دەدى دانيال احمەتوۆ. – بۇل وتكەندى تەرەڭ ساراپتاپ، قازىرگىنى ويعا الىپ، بولاشاققا كوز تاستاۋ.



 شقو اكىمى باسپا ءسوز قىزمەتى

 

https://dalanews.kz/29385