"Biz, Shyǵys Qazaqstan bir aıdyń ishinde Arys qalasyndaǵy 541 ǵımaratty qalpyna keltiremiz.
Búginde 522 úıdiń 6 turýǵa múldem jaramsyz. 12 baspanany qaıta qalpyna keltirý kerek. Keshe men 60-tan astam úıdiń jaǵdaıymen tanystym. Qazir Shyǵyndy baǵalaý jáne aýqymyn anyqtaý jumystary júrip jatyr.
Óńirdiń 25 qurylys kompanıasy iske kirisýge daıyn ekendikterin jetkizdi. 140 adam jumysqa kirisip ketti. Jaqyn arada úıdiń tóbesi men terezelerin jóndeıtin 200-ge jýyq qosymsha maman jolǵa shyǵady. 10 shildege deıin qosymsha 50 myń sharshy metr shatyr jabyndylaryn jiberemiz", – dedi aımaq basshysy.
Qazirgi tańda aımaqtyń iri kásiporyndary jáne turǵyndarynyń qoldaýymen 168 mıllıonnan astam teńge jınalǵan. Búgin ǵana oblys ortalyǵynan 200 tonnadan astam gýmanıtarlyq júk jóneltiledi.
Budan bólek, SHQO Arystyń 300 balasyn qabyldaıdy. Olardyń demalystaryn uıymdastyrý qala men aýdan ákimdikteriniń esebinen júrgiziledi.
