"ءبىز، شىعىس قازاقستان ءبىر ايدىڭ ىشىندە ارىس قالاسىنداعى 541 عيماراتتى قالپىنا كەلتىرەمىز.
بۇگىندە 522 ءۇيدىڭ 6 تۇرۋعا مۇلدەم جارامسىز. 12 باسپانانى قايتا قالپىنا كەلتىرۋ كەرەك. كەشە مەن 60-تان استام ءۇيدىڭ جاعدايىمەن تانىستىم. ءقازىر شىعىندى باعالاۋ جانە اۋقىمىن انىقتاۋ جۇمىستارى ءجۇرىپ جاتىر.
ءوڭىردىڭ 25 قۇرىلىس كومپانياسى ىسكە كىرىسۋگە دايىن ەكەندىكتەرىن جەتكىزدى. 140 ادام جۇمىسقا كىرىسىپ كەتتى. جاقىن ارادا ءۇيدىڭ توبەسى مەن تەرەزەلەرىن جوندەيتىن 200-گە جۋىق قوسىمشا مامان جولعا شىعادى. 10 شىلدەگە دەيىن قوسىمشا 50 مىڭ شارشى مەتر شاتىر جابىندىلارىن جىبەرەمىز"، – دەدى ايماق باسشىسى.
قازىرگى تاڭدا ايماقتىڭ ءىرى كاسىپورىندارى جانە تۇرعىندارىنىڭ قولداۋىمەن 168 ميلليوننان استام تەڭگە جينالعان. بۇگىن عانا وبلىس ورتالىعىنان 200 توننادان استام گۋمانيتارلىق جۇك جونەلتىلەدى.
بۇدان بولەك، شقو ارىستىڭ 300 بالاسىن قابىلدايدى. ولاردىڭ دەمالىستارىن ۇيىمداستىرۋ قالا مەن اۋدان اكىمدىكتەرىنىڭ ەسەبىنەن جۇرگىزىلەدى.
