«Alakól qazirgi tańda elimizdegi negizgi basymdyqqa ie týristik orynnyń biri. Sońǵy 3-4 jylda Alakóldiń infraqurylymyn damytýǵa jáne abattandyrýǵa 6 mlrd teńgeden asatyn qarjy bólindi.
Týrizmdi ári qarai damyta túsemiz. Aldaǵy 4 jylda 28 milliard teńgege Alakólde 7 iri infraqurylymdyq jobany júzege asady. Sonyń biri – Alakól sýynyń emdik qasieti. Reseidegi Kýrortologiia jáne fizioterapiia institýty kóldiń sýyn bir jyl boiy zerttep, saýyqtyrý týrizmin damytýda taptyrmas oryn degen qorytyndyǵa keldi.
Osy zertteý nátijeleriniń ózi Alakólde shipajai salýǵa bolatynyn kórsetip otyr», - dedi Danial Ahmetov OKQ-da ótken baspasóz máslihatynda.
Oblys basshysy sonymen qatar Alakól jaǵalaýynyń damýy oblys qana emes, kúlliń eldiń ekonomikalyq ahýalyna oń áser etip, biýdjetke túsiminiń artýyna yqpal etetinin jetkizdi.
«Ótken jylmen salystyrǵanda biylǵy jyly Alakóldiń tabys mólsheri 1,6 ese ósti. Sonymen birge óńirde meditsinalyq týrizmdi damytýǵa barlyq jaǵdai jasaldy.
Qazirgi tańda Qazaqstanda 5 meditsinalyq qyzmet - meditsinalyq týrizmdi damytýda artyqshylyqqa ie bolýy múmkin. Olardyń úsheýi - kardiohirýrgiia, neirohirýrgiia, birlesken protezdeý - Shyǵys Qazaqstan oblysynyń klinikalarynda bar», - dedi ol.
Aita ketsek, biylǵy jyly Alakólge orta eseppen alǵanda 750 myń týrist kelgen. Bul ótken jylǵy kórsetkishpen salystyrǵanda 25 paiyzǵa kóp.
