Óz kezeginde Dana Nurjigit:
«Búgingi depýtattyq saýalǵa Ulttyq arnada ózim júrgizetin «Dara jol» habarynyń qonaǵy Aýyl sharýashylyǵy ǵylymdarynyń doktory, professor H.Y.Úkibaevtyń suhbaty sebep bolyp otyr.
Habar barysynda akademik qarakól sharýashylyqtarynyń jaǵdaiyn, osy sala mamandaryn alańdatyp otyrǵan birqatar máselelerdi aitqan edi. Buryn, 90-shy jyldardyń basynda qarakól zaýyty da, institýty da tarap, 2,5 mln qarakól basy joiylyp ketken», – dep ózekti máseleni qozǵapty.
«Qarakól» assotsiasynyń aqparatyna súiensek, búginde Túrkistan, Atyraý, Mańǵystaý, Qyzylorda óńirlerinde shoǵyrlanǵan 32 sharýa qojalyqtarynda 100 myńǵa jýyq qana qoi qalǵan.
Otandyq qarakól terisin ózimizde óńdeitin tseh bolmaǵandyqtan, mamandar qoidy soiyp, etke ǵana tapsyryp jatyr.
Akademiktiń aitýynsha, Keńes dáýirinde valiýtaǵa satylǵan qazaqstandyq kógildir qarakóldi búgin de ózimizden shyǵaryp, ishki, syrtqy naryqta ótimdi taýarǵa ainaldyrýǵa ábden bolady jáne bul jumys bastalǵan.
"2018 jyly sáýir aiyndaǵy Úkimet otyrysynda mal sharýashylyǵyn damytýdyń 2018–2027 jyldarǵa arnalǵan baǵdarlamasynyń aiasynda qarakól sharýashylyqtary da qolǵa alynyp teri óńdeitin tsehter ashý josparlanǵan bolatyn. Alaida, qazirgi tańda ol jospar júzege aspai otyr", – deidi akademik Úkibaev.
Osyǵan orai qarakól sharýashylyqtaryn qoldaý maqsatynda:
-qarakól qoi tuqymyn asyldandyrý úshin asyl tuqymdy atalyqtardyń tuqym qýalaýyn tekserý jáne ár analyq bastyń esebin júrgizý;
- qarakól sharýashylyǵynda jumys isteimin degen jas mamandardy qoldaý, oqytý;
-teri óndeitin tsehtar ashýdy uiymdastyrý;
- elimizdiń qorǵanys salasyndaǵy qyzmetkerlerge qysqy bas kiim, syrt kiim jaǵasyna qajetti qarakól eltirisin ózimizdiń otandyq ónimnen tiktirý;
Aýyl sharýashylyǵy salasyn kóterý úshin qolǵa alynyp jatqan memlekettik baǵdarlamalar aiasynda qarakól sharýashylyǵyna bailanysty joǵarydaǵy keltirilgen usynystardy qarastyrýyńyzdy suraimyn.
«Qazaqstan Respýblikasynyń Parlamenti jáne onyń depýtattarynyń mártebesi týraly» QR Konstitýtsiialyq Zańynyń 27 - babyna sáikes depýtattyq saýaldy qarap nátijesi boiynsha zańmen belgilengen merzim ishinde jazbasha jaýap berýińizdi suraimyn.
