«Qala men Dala» gazetinde jaryq kórgen «Meırambek fılarmonıany, Toqtar Respýblıka saraıyn basqarýǵa laıyq» degen maqalamyz áleýmettik jelide qyzý talqylanyp, qalyń oqyrmannyń nazaryn aýdardy. Bizder bul maqalany jazý barysyndaǵy maqsatymyz ónerdiń bıigine kóterilgen qos ánshi – Meırambek Bespaev pen Toqtar Serikovtyń tól mádenıetimizdi órkendetýge barynsha úles qosýǵa úndeý bolatyn.

Osy rette bizder maqala barysynda aıtylǵan Jambyl atyndaǵy qazaq memlekettik fılarmonıasy basshylyǵy men ondaǵy 400-den astam óner ıelerine olardyń jyldar boıy atqarǵan jumysyn joqqa shyǵaraıyq degen oıymyz bolmaǵanyn aıtqymyz keledi. Sondyqtan óner ujymynyń qyzmetkerlerinen taqyrypta ketken aǵattyq úshin keshirim ótinemiz.

Óner ordasynyń uıytqy bolýymen «Jetisý aqyndarynyń mektebiniń» kóshbasshysy Súıinbaı Aronulynyń 200 jyldyq mereıtoıyna oraı fılarmonıa aldynda sáýletti eskertkish turǵyzylyp, kóptegen jumystardyń atqarylǵanyn bilemiz.

Elimizdegi keıbir óner ujymdary qyzmetkerlerin qysqartýǵa jiberip jatqanda fılarmonıa ákimshiligi QR Mádenıet mınıstrliginiń aldyna qoıǵan jumys josparyn 170 paıyzǵa asyra oryndap, irgeli ujym ekenin is júzinde dáleldedi.

Sol sebepti oqyrmandarymyzdan joǵarydaǵy maqala men fılarmonıa arasynan qandaıda bir baılanys izdemeýin ótinemiz.

«Qala men Dala» gazeti redaksıasy.