2025 jyldan bastap Almatyda «Damubala» baǵdarlamasyna ózgerister engizildi, - dep habarlaidy Dalanews.kz Almaty qalasy ákimdiginiń resmi saityna silteme jasap.
Oferta shartynyń merzimi ózgerdi
Endi jetkizýshilermen kelisimsharttar jyl saiyn jasalady. 2025 jyldyń 15-21 qańtary aralyǵynda QR «Mádeniet týraly» jáne «Dene shynyqtyrý jáne sport týraly» zańdaryna sáikes memlekettik sporttyq jáne shyǵarmashylyq tapsyrys qyzmetterin kórsetýshi jetkizýshilerdi qabyldaý júrgizildi. 22 qańtar men 4 aqpan aralyǵynda qoldanystaǵy jáne jańa jetkizýshilerdiń ótinimderi qarastyrylyp, memlekettik shyǵarmashylyq tapsyrysty ornalastyrý qaǵidalaryna sáikes baǵalandy.
Sonymen qatar, oferta shartyna sáikes, kelisimsharttar jyl saiyn qaita jasalady. Bul ózgeris vaýcherlerdi ádil bólýge, úderistiń ashyqtyǵyn arttyrýǵa jáne jetkizýshilerdiń jaýapkershiligin kúsheitýge baǵyttalǵan. Buryn oferta sharttarynda merzim belgilenbeitin. Aýdan ákimdikteri jetkizýshilermen kezdesýler ótkizip, engizilgen ózgerister boiynsha túsindirý jumystaryn júieli túrde júrgizip keledi.
Balalar sabaqtaryn jalǵastyrady
2025 jyldyń basynan beri Almatyda oferta jańartý úderisi júrip jatyr. Degenmen, barlyq jetkizýshiler 2025 jyldyń 1-21 qańtar aralyǵynda kórsetken qyzmetteri úshin aqy alady.
Baǵdarlamaǵa qatysatyn balalar sabaqtaryn jalǵastyra beredi
Almaty máslihaty 2025 jylǵa arnalǵan shyǵarmashylyq úiirmeler men sporttyq sektsiialardy qarjylandyrýǵa 15,1 mlrd teńge bóldi.
Mindetine salǵyrt qaraǵan jetkizýshiler tizimnen shyǵarylady
Almaty qalasynyń Qoǵamdyq keńesimen birlesip, qyzmet kórsetýshilerdiń jumysyna monitoring júrgizildi. Nátijesinde, mindetine salǵyrt qaraǵan jetkizýshiler týraly barlyq málimet quqyq qorǵaý organdaryna jiberildi.
Osylaisha, baǵdarlamany júzege asyrýdyń alǵashqy kezeńi retinde qazirgi jetkizýshilermen qaita kelisim jasaý jáne jańa ótinimderdi qarastyrý sharalary qolǵa alyndy. Árbir jetkizýshi óz infraqurylymynyń úiirme nemese sektsiia túrine qoiylatyn talaptarǵa sáikestigin rastaýǵa tiis.
Sabaqtarǵa qatysýdy baqylaý engiziledi
Vaýcherler jetkizýshiniń balanyń zańdy ókilimen kelisimshartqa otyrǵanyna qarai 2025 jyldyń sońyna deiin beriledi. Odan keiin balalardyń sabaqqa qatysýyn naqtylaý úshin arnaiy júiege qosylý qajet. Sondai-aq, vaýcherler ai saiynǵy limit negizinde, belgili bir sanyna qarai úlestiriledi. Byltyr Almatyda balalardyń sabaqtarǵa naqty qatysýyn rastaý úshin biometriialyq sáikestendirý (Face ID) júiesi engizilgen bolatyn. Osyǵan bailanysty, 2025 jyly jetkizýshilermen kelisimshart jasaý kezinde balalardyń 100% Face ID júiesine qosylýy mindetti shart bolmaq.
Qala ákimdigi turǵyndardy tek resmi aqparat kózderine, iaǵni Almaty aýdandarynyń ákimdikteri basqaratyn baǵdarlamanyń operatorlaryna senýge shaqyrdy.
