"Damý" Qory Qyzylorda kásipkerlerine kómektesedi
Bul jaiynda «BaiqońyrInvest» VII Investitsiialyq forýmynda«Damý» Qorynyń basqarma tóraǵasy Qanysh Týleýshin málimdedi.
«Qyzylorda oblystyq ákimshiligi men «Damý» Qory óńirdiń shaǵyn jáne orta kásipkerligine 1,5 mlrd teńge bóledi. Osy dúisenbiden bastap kásipkerler aimaqtaǵy ekinshi deńgeili bankterge baryp, biznes úshin nesie alýyna bolady.Bul nesieniń syiaqy mólsherlemesi jylyna 8-aq paiyz bolatynyn da aita ketý kerek. Qazir biznesti nesieleý naryǵynda mundai ońtaily jaǵdai esh jerde joq. Nesie negizgi jabdyqtardy jańǵyrtyp, jańasyn alý úshin 5 jylǵa deiin, ainalymdaǵy qarajatty tolyqtyrý úshin 3 jylǵa, 20 mln teńgege deiin beriledi. Atalǵan baǵdarlama aiasynda qarajat alǵan kásipkerler bank aldynda kepilzaty jetpegen jaǵdaida Qordyń kepildemesin de paidalana alady»,- dedi Forýmda sóz alǵan qor basshysy.
«Damý» Qory 2016 jyly óńirlerdi nysandy qarjylandyrý baǵdarlamasyna 24 mlrd teńge bóldi. Qarajat ekinshi deńgeili bankter arqyly «Damý» Qory men oblys ákimshilikterimen birlesip bólinedi. Aqtóbe, Mańǵystaý jáne Almaty oblystarynda biznesti nesieleý bastalyp ketti. Qalǵan oblystarda kásipkerlikke degen jeńil nesie jazda berile bastaidy.
Qyzylorda oblysynda 2010 jyldan beri indýstrialdy-innovatsiialyq damý baǵdarlamasyna engen 559 joba paiyzdyq mólsherlemeni sýbsidiialaý, nesiege kepildeme berý nemese jeńildikpen nesieleý sekildi «Damý» Qorynyń qoldaýlaryn paidalana aldy. Jalpy quny 41,4 mlrd teńge bolady. Salaǵa bólip qarar bolsaq, kósh basynda:
Quny 5,3 mlrd teńge bolatynkólik-logistika salasyndaǵy 115 joba;
Quny 4mlrd teńge bolatyntamaq ónerkásibi salasyndaǵy 101 joba tur.
2 mlrd teńgege 46 qonaq úi salyndy.
1,3 mlrd teńgege qurylys materialdaryn shyǵaratyn 44 zaýyt salyndy.
Qyzylorda oblysy boiynsha indýstrialdy-innovatsiialyq damý baǵdarlamasyna kirmegen 695 joba da «Damý» Qorynyń qoldaýyn kórip, jalpy quny 19 mlrd teńge qarajatqa qol jetkizdi.
