«دامۋ» قورى مەن قىزىلوردا وبلىستىق اكىمشىلىگى ءوڭىردىڭ شاعىن جانە ورتا كاسىپكەرلەرىن ماقساتتى تۇردە قارجىلاندىرۋدى باستادى.

بۇل جايىندا «بايقوڭىرينۆەست» VII ينۆەستيسيالىق فورۋمىندا«دامۋ» قورىنىڭ باسقارما ءتوراعاسى قانىش تۋلەۋشين مالىمدەدى.

«قىزىلوردا وبلىستىق اكىمشىلىگى مەن «دامۋ» قورى ءوڭىردىڭ شاعىن جانە ورتا كاسىپكەرلىگىنە 1،5 ملرد تەڭگە بولەدى. وسى دۇيسەنبىدەن باستاپ كاسىپكەرلەر ايماقتاعى ەكىنشى دەڭگەيلى بانكتەرگە بارىپ، بيزنەس ءۇشىن نەسيە الۋىنا بولادى.بۇل نەسيەنىڭ سىياقى مولشەرلەمەسى جىلىنا 8-اق پايىز بولاتىنىن دا ايتا كەتۋ كەرەك. ءقازىر بيزنەستى نەسيەلەۋ نارىعىندا مۇنداي وڭتايلى جاعداي ەش جەردە جوق. نەسيە نەگىزگى جابدىقتاردى جاڭعىرتىپ، جاڭاسىن الۋ ءۇشىن 5 جىلعا دەيىن، اينالىمداعى قاراجاتتى تولىقتىرۋ ءۇشىن 3 جىلعا، 20 ملن تەڭگەگە دەيىن بەرىلەدى. اتالعان باعدارلاما اياسىندا قاراجات العان كاسىپكەرلەر بانك الدىندا كەپىلزاتى جەتپەگەن جاعدايدا قوردىڭ كەپىلدەمەسىن دە پايدالانا الادى»،- دەدى فورۋمدا ءسوز العان قور باسشىسى.

«دامۋ» قورى 2016 جىلى وڭىرلەردى نىساندى قارجىلاندىرۋ باعدارلاماسىنا 24 ملرد تەڭگە ءبولدى. قاراجات ەكىنشى دەڭگەيلى بانكتەر ارقىلى «دامۋ» قورى مەن وبلىس اكىمشىلىكتەرىمەن بىرلەسىپ بولىنەدى. اقتوبە، ماڭعىستاۋ جانە الماتى وبلىستارىندا بيزنەستى نەسيەلەۋ باستالىپ كەتتى. قالعان وبلىستاردا كاسىپكەرلىككە دەگەن جەڭىل نەسيە جازدا بەرىلە باستايدى.

قىزىلوردا وبلىسىندا 2010 جىلدان بەرى يندۋستريالدى-يننوۆاسيالىق دامۋ باعدارلاماسىنا ەنگەن 559 جوبا پايىزدىق مولشەرلەمەنى سۋبسيديالاۋ، نەسيەگە كەپىلدەمە بەرۋ نەمەسە جەڭىلدىكپەن نەسيەلەۋ سەكىلدى «دامۋ» قورىنىڭ قولداۋلارىن پايدالانا الدى. جالپى قۇنى  41،4 ملرد تەڭگە بولادى. سالاعا ءبولىپ قارار بولساق، كوش باسىندا:

قۇنى 5،3 ملرد تەڭگە بولاتىنكولىك-لوگيستيكا سالاسىنداعى 115 جوبا؛

قۇنى 4ملرد تەڭگە بولاتىنتاماق ونەركاسىبى سالاسىنداعى 101 جوبا تۇر.

2 ملرد تەڭگەگە 46 قوناق ءۇي سالىندى.

1،3 ملرد تەڭگەگە قۇرىلىس ماتەريالدارىن شىعاراتىن 44 زاۋىت سالىندى.

قىزىلوردا وبلىسى بويىنشا يندۋستريالدى-يننوۆاسيالىق دامۋ باعدارلاماسىنا كىرمەگەن 695 جوبا دا «دامۋ» قورىنىڭ قولداۋىن كورىپ، جالپى قۇنى 19 ملرد تەڭگە قاراجاتقا قول جەتكىزدى.