– Nesıe alý barysyndaǵy kepilzat jetispeýshiligi kóp kásipkerler úshin qolbaılaý bolyp otyr. Eger buǵan deıin ekonomıkanyń basymdyq berilgen salalary boıynsha jobalaryn júzege asyryp jatqan kásipkerler «Bıznestiń jol kartasy 2020» baǵdarlamasynyń aıasynda «Damý» Qorynyń kepildemelerin paıdalanyp kelse, bul baǵdarlamanyń maqsatty tobyna kirmeıtinder úshinshi jaqtyń kepildemesine júginýge májbúr bolǵan. «Damý Optıma» osy olqylyqtyń ornyn toltyrady. Endi kez-kelgen saladaǵy kásipker «BJK 2020» baǵdarlamasy nemese «Damý Optımany» tańdaý arqyly «Damý» Qorynyń kepildemesin ala alady, – dedi «Damý» Qorynyń Basqarma tóraǵasy Qanysh Týleýshın.
Bıznesi bar kásipkerler úshin nesıege kepildeme berý talaptary:
Kepildeme mólsheri – nesıe somasynyń 50%-nan aspaýy kerek. Aınalymdaǵy qarajatty tolyqtyrýǵa 36 aıǵa deıingi kepildememen 60 mln teńge, ınvestısıa salý úshin 60 aıǵa deıingi kepildememen 180 mln teńgege deıin beriledi.
Franshıza boıynsha is bastaǵysy kelgen kásipkerler úshin nesıege kepildeme berý talaptary: Kepildeme mólsheri: 20 mln teńgege deıin. Nesıe somasynyń 70%-nan aspaýy kerek. 20 mln teńgeden joǵary bolǵan jaǵdaıda nesıe somasynyń 50%-nan aspaıdy.
Nesıe 80 mln teńgege deıin beriledi. Kepildeme merzimi – aınalymdaǵy qarajatty tolyqtyrý úshin 36 aıǵa deıin, ınvestısıa salýǵa 60 aıǵa deıin.
Baǵdarlamany júzege asyrý úshin «Damý» Qory óz qarajatynan 2,8 mlrd teńge bóledi. Ekinshi deńgeıli bankterdiń birqatary atalǵan baǵdarlamaǵa qyzyǵýshylyq tanytýda. «Damý» Qory Qazkommersbank, AzıaKredıtBank, Evrazıa banki jáne Bank Astana sekildi birqatar ekinshi deńgeıli banktermen kelisimge qol qoıýdy josparlap otyr.
