– نەسيە الۋ بارىسىنداعى كەپىلزات جەتىسپەۋشىلىگى كوپ كاسىپكەرلەر ءۇشىن قولبايلاۋ بولىپ وتىر. ەگەر بۇعان دەيىن ەكونوميكانىڭ باسىمدىق بەرىلگەن سالالارى بويىنشا جوبالارىن جۇزەگە اسىرىپ جاتقان كاسىپكەرلەر «بيزنەستىڭ جول كارتاسى 2020» باعدارلاماسىنىڭ اياسىندا «دامۋ» قورىنىڭ كەپىلدەمەلەرىن پايدالانىپ كەلسە، بۇل باعدارلامانىڭ ماقساتتى توبىنا كىرمەيتىندەر ءۇشىنشى جاقتىڭ كەپىلدەمەسىنە جۇگىنۋگە ءماجبۇر بولعان. «دامۋ وپتيما» وسى ولقىلىقتىڭ ورنىن تولتىرادى. ەندى كەز-كەلگەن سالاداعى كاسىپكەر «بجك 2020» باعدارلاماسى نەمەسە «دامۋ وپتيمانى» تاڭداۋ ارقىلى «دامۋ» قورىنىڭ كەپىلدەمەسىن الا الادى، – دەدى «دامۋ» قورىنىڭ باسقارما ءتوراعاسى قانىش تۋلەۋشين.
بيزنەسى بار كاسىپكەرلەر ءۇشىن نەسيەگە كەپىلدەمە بەرۋ تالاپتارى:
كەپىلدەمە مولشەرى – نەسيە سوماسىنىڭ 50%-نان اسپاۋى كەرەك. اينالىمداعى قاراجاتتى تولىقتىرۋعا 36 ايعا دەيىنگى كەپىلدەمەمەن 60 ملن تەڭگە، ينۆەستيسيا سالۋ ءۇشىن 60 ايعا دەيىنگى كەپىلدەمەمەن 180 ملن تەڭگەگە دەيىن بەرىلەدى.
فرانشيزا بويىنشا ءىس باستاعىسى كەلگەن كاسىپكەرلەر ءۇشىن نەسيەگە كەپىلدەمە بەرۋ تالاپتارى: كەپىلدەمە مولشەرى: 20 ملن تەڭگەگە دەيىن. نەسيە سوماسىنىڭ 70%-نان اسپاۋى كەرەك. 20 ملن تەڭگەدەن جوعارى بولعان جاعدايدا نەسيە سوماسىنىڭ 50%-نان اسپايدى.
نەسيە 80 ملن تەڭگەگە دەيىن بەرىلەدى. كەپىلدەمە مەرزىمى – اينالىمداعى قاراجاتتى تولىقتىرۋ ءۇشىن 36 ايعا دەيىن، ينۆەستيسيا سالۋعا 60 ايعا دەيىن.
باعدارلامانى جۇزەگە اسىرۋ ءۇشىن «دامۋ» قورى ءوز قاراجاتىنان 2،8 ملرد تەڭگە بولەدى. ەكىنشى دەڭگەيلى بانكتەردىڭ ءبىرقاتارى اتالعان باعدارلاماعا قىزىعۋشىلىق تانىتۋدا. «دامۋ» قورى قازكوممەرسبانك، ازياكرەديتبانك، ەۆرازيا بانكى جانە بانك استانا سەكىلدى ءبىرقاتار ەكىنشى دەڭگەيلى بانكتەرمەن كەلىسىمگە قول قويۋدى جوسپارلاپ وتىر.
