Memleket basshysy Qasym-Jomartt Toqaev aýyldardy damytý, eldi mekenderdiń infraqurylymyn jaqsartý jóninde tapsyrma bergen bolatyn. Bul baǵytta Túrkistan óńirinde júieli jumys júrip jatyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Búginde Túrkistan oblysy eldi mekenderdi gazdandyrýda elimizde kósh bastady. Halyq sanymen eseptegende, 1 mln 750 myńnan astam halyq nemese oblys turǵyndarynyń 81 paiyzdan astamy tabiǵi gazben qamtylǵan.
Bul – elimizdegi jalpy kórsetkishtiń 28,4 paiyzy. Iaǵni, gazben qamtylǵan árbir úshinshi aýyl Túrkistan óńirinde ornalasqan. Biyl 75 myń halyq tabiǵi gazben qamtylady.
2023 jyly óńirde 45-ten astam eldi meken gazdandyrylǵan bolatyn, bul kórsetkish respýblikada óńirler arasyndaǵy eń joǵarǵy nátije boldy. Túrkistan oblysynda sońǵy 10 jyl aralyǵynda qurylysy júrgizilip, iske qosylmaǵan 46 tabiǵi gaz nysany bar bolatyn.
Onyń ishinde 40 eldi meken, 2 kóshe, 2 avtomatty gaz taratý stantsiiasy bar. Ótken jyldyń qorytyndysymen onyń 44-i iske qosyldy. 1,5 jyldyń ishinde saqaldy qurylys retke keltirilip, 120 myńnan astam turǵyn úi tabiǵi gazben qamtyldy. Bul jumystar Túrkistan oblysynyń ákimi Darhan Satybaldynyń jiti baqylaýymen ári úilestirýimen júzege asýda.
Biyl oblysta 54 nysan qurylysy aiaqtalyp, 47 eldi mekende 75 myńǵa jýyq halyqqa «kógildir otyn» jetkizý boiynsha jobalar iske asyrylýda. Prezident Q.Toqaevtyń tapsyrmasyna sáikes «Samuryq-Qazyna» qory arqyly qosymsha 10 mlrd. teń bólinip otyr. Atalǵan qarajattardy bólýde Darhan Amangeldiulynyń tapsyrmasyna orai gazdandyrý kórsetkishteri tómen Maqtaaral, Jetisai, Shardara, Báidibek aýdandaryna basymdyq berilýde.
Ótken jyly oblysta 2 gaz taratý stantsiiasy paidalanýǵa berildi. Biyl dál osyndai gaz taratý stantsiialary Saryaǵash jáne Qazyǵurt aýdandarynda el igiligine paidalanýǵa berildi. Al, jyl sońyna deiin taǵy da 3 gaz taratý stantsiiasyn iske qosý josparlanǵan.
Turaqty jumys nátijesinde biyl Túrkistan oblysy turǵyndarynyń gazben qamtý kórsetkishi 84,9 %-ǵa jetedi dep kútilip otyr. Oblys eldi mekenderin 100 % tabiǵi gazben qamtamasyz etý maqsatynda «Túrkistan oblysy boiynsha tabiǵi gazben qamtamasyz etýdiń 2023-2027 jyldarǵa arnalǵan is-shara jospary» bekitilgen.
Josparǵa sáikes, oblystaǵy 319 eldi mekendi (469,6 myń halyq) 2027 jyly tabiǵi gazben qamtamasyz etýge qol jetkizilmek. Eldi mekenderdi gazdandyrý jumystary turaqty baqylaýda jáne júieli túrde ary qarai jalǵasady.
