مەملەكەت باسشىسى قاسىم-جومارتت توقايەۆ اۋىلداردى دامىتۋ، ەلدى مەكەندەردىڭ ينفراقۇرىلىمىن جاقسارتۋ  جونىندە تاپسىرما بەرگەن بولاتىن. بۇل باعىتتا تۇركىستان وڭىرىندە جۇيەلى جۇمىس ءجۇرىپ جاتىر، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇگىندە تۇركىستان وبلىسى ەلدى مەكەندەردى گازداندىرۋدا ەلىمىزدە كوش باستادى. حالىق سانىمەن ەسەپتەگەندە، 1 ملن 750 مىڭنان استام حالىق نەمەسە وبلىس تۇرعىندارىنىڭ 81 پايىزدان استامى تابيعي گازبەن قامتىلعان.

بۇل – ەلىمىزدەگى جالپى كورسەتكىشتىڭ 28،4 پايىزى. ياعني، گازبەن قامتىلعان ءاربىر ءۇشىنشى اۋىل تۇركىستان وڭىرىندە ورنالاسقان. بيىل 75 مىڭ حالىق تابيعي گازبەن قامتىلادى.

2023 جىلى وڭىردە 45-تەن استام ەلدى مەكەن گازداندىرىلعان بولاتىن، بۇل كورسەتكىش رەسپۋبليكادا وڭىرلەر اراسىنداعى ەڭ جوعارعى ناتيجە بولدى. تۇركىستان وبلىسىندا سوڭعى 10 جىل ارالىعىندا قۇرىلىسى جۇرگىزىلىپ، ىسكە قوسىلماعان 46 تابيعي گاز نىسانى بار بولاتىن.

ونىڭ ىشىندە 40 ەلدى مەكەن، 2 كوشە، 2 اۆتوماتتى گاز تاراتۋ ستانسياسى بار. وتكەن جىلدىڭ قورىتىندىسىمەن ونىڭ 44ء-ى ىسكە قوسىلدى. 1،5 جىلدىڭ ىشىندە ساقالدى قۇرىلىس رەتكە كەلتىرىلىپ، 120 مىڭنان استام تۇرعىن ءۇي تابيعي گازبەن قامتىلدى. بۇل جۇمىستار تۇركىستان وبلىسىنىڭ اكىمى دارحان ساتىبالدىنىڭ ءجىتى باقىلاۋىمەن ءارى ۇيلەستىرۋىمەن جۇزەگە اسۋدا.

بيىل وبلىستا 54 نىسان قۇرىلىسى اياقتالىپ، 47 ەلدى مەكەندە 75 مىڭعا جۋىق حالىققا «كوگىلدىر وتىن» جەتكىزۋ بويىنشا جوبالار ىسكە اسىرىلۋدا. پرەزيدەنت ق.توقايەۆتىڭ تاپسىرماسىنا سايكەس «سامۇرىق-قازىنا» قورى ارقىلى قوسىمشا 10 ملرد. تەڭ ءبولىنىپ وتىر. اتالعان قاراجاتتاردى بولۋدە دارحان امانگەلدى ۇلىنىڭ تاپسىرماسىنا وراي گازداندىرۋ كورسەتكىشتەرى تومەن ماقتاارال، جەتىساي، شاردارا، بايدىبەك اۋداندارىنا باسىمدىق بەرىلۋدە.

وتكەن جىلى وبلىستا 2 گاز تاراتۋ ستانسياسى پايدالانۋعا بەرىلدى. بيىل ءدال وسىنداي گاز تاراتۋ ستانسيالارى سارىاعاش جانە قازىعۇرت اۋداندارىندا ەل يگىلىگىنە پايدالانۋعا بەرىلدى. ال، جىل سوڭىنا دەيىن تاعى دا 3 گاز تاراتۋ ستانسياسىن ىسكە قوسۋ جوسپارلانعان. 

تۇراقتى جۇمىس ناتيجەسىندە بيىل تۇركىستان وبلىسى تۇرعىندارىنىڭ گازبەن قامتۋ كورسەتكىشى 84،9 %-عا جەتەدى دەپ كۇتىلىپ وتىر. وبلىس ەلدى مەكەندەرىن 100 % تابيعي گازبەن قامتاماسىز ەتۋ ماقساتىندا «تۇركىستان وبلىسى بويىنشا تابيعي گازبەن قامتاماسىز ەتۋدىڭ 2023-2027 جىلدارعا ارنالعان ءىس-شارا جوسپارى»  بەكىتىلگەن.

جوسپارعا سايكەس، وبلىستاعى 319 ەلدى مەكەندى (469،6 مىڭ حالىق)  2027 جىلى تابيعي گازبەن قامتاماسىز ەتۋگە قول جەتكىزىلمەك. ەلدى مەكەندەردى گازداندىرۋ جۇمىستارى تۇراقتى باقىلاۋدا جانە جۇيەلى تۇردە ارى قاراي جالعاسادى.