Jergilikti organnyń zilzala jaily kesh qulaqtandyrýy eldiń záresin alǵany ótirik emes.
Bul oraida 2022 jyldyń jazynda Almaty qalalyq Tótenshe jaǵdailar departamentiniń bastyǵy Rýslan Qasybaev (qazir jemqorlyq úshin sottalǵan) TNS-INTEC kompaniiasymen 1 120 538 143 teńgege kelisim jasasqany anyqtalyp otyr.
Atalǵan kompaniianyń negizin qalaýshy – «Dármen Holding». BAQ málimetinshe, ony eks-prezidenttiń nemeresi Nuráli Áliev qurǵan.
Jetkizýshi Tótenshe jaǵdailar departamenti men Seismologiialyq baqylaýlar men zertteýler ulttyq ǵylymi ortalyǵyna joiqyn tolqynnyń jaqyndaǵany týraly signal jiberetin 28 stantsiia salý kerek bolǵan.
Júie mobildi qosymsha jáne sirena-daýys qurylǵylary arqyly turǵyndardy aldyn ala habardar etýi kerek edi.
Sebebi, buǵan qazynadan qomaqty qarjy bólingen. 2022 jylǵa – 547 925 973 teńge. 2023 jylǵa – 572 612 169. Ótken jyldyń qazan aiynda jetkizýshi jumystyń aiaqtalǵany týraly qorytyndy aktini tapsyrǵany da belgili boldy.
Kópshilikti «Osynshama shyǵyndy qajet etken júie nege isten shyqty?» degen saýal mazalaidy. Buǵan Almaty qalasy Tótenshe jaǵdailar departamentiniń basshysy Nurlan Atyǵaev kútpegen jaýap qatty.
«Júie jumys istep tur. Tek sirena 5,5 ball jáne odan joǵary jer silkinisi kezinde ǵana qosylady. Keshe Almatyda 4-5 ball deńgeiindegi zilzala tirkeldi. Sondyqtan ony qosýdyń qajeti joq bolatyn. Ol jurttyń úreiin údetedi», – dedi ol.
Al Premer-ministr Smailov el naqty aqparat almai, ábigerge túskenin synǵa aldy.
«Turǵyndardyń 2-3-shi qabattan sekirýi olqylyqtyń dáleli. Ýaqytynda qimyldap, halyqqa habar berý kerek», – dedi Premer-ministr.
https://dalanews.kz/saraptama/98104-talaydy-taubesine-keltirgen-kun-ard
