جەرگىلىكتى ورگاننىڭ ءزىلزالا جايلى كەش قۇلاقتاندىرۋى ەلدىڭ زارەسىن العانى وتىرىك ەمەس.
بۇل ورايدا 2022 جىلدىڭ جازىندا الماتى قالالىق توتەنشە جاعدايلار دەپارتامەنتىنىڭ باستىعى رۋسلان قاسىبايەۆ (ءقازىر جەمقورلىق ءۇشىن سوتتالعان) TNS-INTEC كومپانياسىمەن 1 120 538 143 تەڭگەگە كەلىسىم جاساسقانى انىقتالىپ وتىر.
اتالعان كومپانيانىڭ نەگىزىن قالاۋشى – «دارمەن حولدينگ». ب ا ق مالىمەتىنشە، ونى ەكس-پرەزيدەنتتىڭ نەمەرەسى ءنۇرالي الييەۆ قۇرعان.
جەتكىزۋشى توتەنشە جاعدايلار دەپارتامەنتى مەن سەيسمولوگيالىق باقىلاۋلار مەن زەرتتەۋلەر ۇلتتىق عىلىمي ورتالىعىنا جويقىن تولقىننىڭ جاقىنداعانى تۋرالى سيگنال جىبەرەتىن 28 ستانسيا سالۋ كەرەك بولعان.
جۇيە ءموبيلدى قوسىمشا جانە سيرەنا-داۋىس قۇرىلعىلارى ارقىلى تۇرعىنداردى الدىن الا حاباردار ەتۋى كەرەك ەدى.
سەبەبى، بۇعان قازىنادان قوماقتى قارجى بولىنگەن. 2022 جىلعا – 547 925 973 تەڭگە. 2023 جىلعا – 572 612 169. وتكەن جىلدىڭ قازان ايىندا جەتكىزۋشى جۇمىستىڭ اياقتالعانى تۋرالى قورىتىندى اكتىنى تاپسىرعانى دا بەلگىلى بولدى.
كوپشىلىكتى «وسىنشاما شىعىندى قاجەت ەتكەن جۇيە نەگە ىستەن شىقتى؟» دەگەن ساۋال مازالايدى. بۇعان الماتى قالاسى توتەنشە جاعدايلار دەپارتامەنتىنىڭ باسشىسى نۇرلان اتىعايەۆ كۇتپەگەن جاۋاپ قاتتى.
«جۇيە جۇمىس ىستەپ تۇر. تەك سيرەنا 5،5 بالل جانە ودان جوعارى جەر سىلكىنىسى كەزىندە عانا قوسىلادى. كەشە الماتىدا 4-5 بالل دەڭگەيىندەگى ءزىلزالا تىركەلدى. سوندىقتان ونى قوسۋدىڭ قاجەتى جوق بولاتىن. ول جۇرتتىڭ ۇرەيىن ۇدەتەدى»، – دەدى ول.
ال پرەمەر-مينيستر سمايلوۆ ەل ناقتى اقپارات الماي، ابىگەرگە تۇسكەنىن سىنعا الدى.
«تۇرعىنداردىڭ 2-3ء-شى قاباتتان سەكىرۋى ولقىلىقتىڭ دالەلى. ۋاقىتىندا قيمىلداپ، حالىققا حابار بەرۋ كەرەك»، – دەدى پرەمەر-مينيستر.
https://dalanews.kz/saraptama/98104-talaydy-taubesine-keltirgen-kun-ard
