Tıisti ótinishti vedomstvonyń Almaty qalasyndaǵy departamenti tirkegen.
"Biz aqparattan habardarmyz, áriptesimiz jáne qoǵamdyq keńestiń múshesi Dıdar Smaǵulovtyń jazbasyn oqydyq. Bul derek boıynsha agenttiktiń Almaty qalasy boıynsha departamenti qoǵamdyq birlestiktiń ótinishin tirkedi. Qazir materıaldar tekserý úshin ýákiletti organǵa jiberildi. Olardyń nátıjeleri boıynsha tıisti sheshim qabyldanady, ol týraly BAQ pen jurtshylyqqa habarlaımyz", - dedi Antıkordyń resmı ókili Arman Tileýkenov.
Sonymen qatar, Tileýkenov ótinishti eń aldymen memlekettik aýdıt departamentine baǵyttaıtyndaryn jetkizdi. Al keıin tekseris júrgizilgen soń nátıjeleri boıynsha Antıkor prosesýaldyq sheshim qabyldaıdy eken.
Buǵan deıin "Ádildik joly" qoǵamdyq birlestiginiń atqarýshy dırektory Dıdar Smaǵulov Facebook-te Almatydaǵy jer silkinisi týraly erterek habarlaýǵa jaýapty jáne bul qyzmeti úshin 1,1 mıllıard teńge alǵan kompanıa Nuraly Álıevke tıesili dep málimdegen bolatyn.
Kollaj: Dalanews.kz
https://dalanews.kz/sadak/98101-dabyl-zhuyesi-unsiz-qaldy-bugan-nural
