ءتيىستى ءوتىنىشتى ۆەدومستۆونىڭ الماتى قالاسىنداعى دەپارتامەنتى تىركەگەن.
"ءبىز اقپاراتتان حاباردارمىز، ارىپتەسىمىز جانە قوعامدىق كەڭەستىڭ مۇشەسى ديدار سماعۇلوۆتىڭ جازباسىن وقىدىق. بۇل دەرەك بويىنشا اگەنتتىكتىڭ الماتى قالاسى بويىنشا دەپارتامەنتى قوعامدىق بىرلەستىكتىڭ ءوتىنىشىن تىركەدى. ءقازىر ماتەريالدار تەكسەرۋ ءۇشىن ۋاكىلەتتى ورگانعا جىبەرىلدى. ولاردىڭ ناتيجەلەرى بويىنشا ءتيىستى شەشىم قابىلدانادى، ول تۋرالى ب ا ق پەن جۇرتشىلىققا حابارلايمىز"، - دەدى انتيكوردىڭ رەسمي وكىلى ارمان تىلەۋكەنوۆ.
سونىمەن قاتار، تىلەۋكەنوۆ ءوتىنىشتى ەڭ الدىمەن مەملەكەتتىك اۋديت دەپارتامەنتىنە باعىتتايتىندارىن جەتكىزدى. ال كەيىن تەكسەرىس جۇرگىزىلگەن سوڭ ناتيجەلەرى بويىنشا انتيكور پروسەسسۋالدىق شەشىم قابىلدايدى ەكەن.
بۇعان دەيىن "ادىلدىك جولى" قوعامدىق بىرلەستىگىنىڭ اتقارۋشى ديرەكتورى ديدار سماعۇلوۆ Facebook-تە الماتىداعى جەر سىلكىنىسى تۋرالى ەرتەرەك حابارلاۋعا جاۋاپتى جانە بۇل قىزمەتى ءۇشىن 1،1 ميلليارد تەڭگە العان كومپانيا نۇرالى الييەۆكە تيەسىلى دەپ مالىمدەگەن بولاتىن.
كوللاج: Dalanews.kz
https://dalanews.kz/sadak/98101-dabyl-zhuyesi-unsiz-qaldy-bugan-nural
