Qarjylyq monitoring agenttigi CVK qarjy piramidasynyń qyzmetin toqtatty, dep habarlaidy dalanews.kz.
Agenttiktiń aýmaqtyq departamentteri elimizdiń 14 óńirinde sotqa deiingi tergep-tekserý júrgizip jatyr. QMA deregine súiensek, joba marketpleis retinde tanystyrylyp, qatysýshylarǵa turaqty tabys ákeletin túrli investitsiialyq "dúken" paketin satyp alý usynylǵan.
Saýda qyzmetin imitatsiialaý maqsatynda jeke kabinette shyn máninde bolmaǵan taýarlarǵa qatysty oryndalǵan tapsyrystar men jetkizilimder kórsetilip, sol úshin virtýaldy syiaqylar eseptelgen. Jańa salymshylardy tartqany úshin qatysýshylarǵa aqshalai bonýstar men baǵaly syilyqtar ýáde etilgen. Óńirlik marketing pen aýqymdy jarnama nátijesinde uiymdastyrýshylar zańsyz shemaǵa shamamen 1,5 myń salymshyny tartqan.
Jobany ilgerletý maqsatynda jabyq úgit-nasihat keshteri, keńselerdiń saltanatty ashylý rásimderi jáne jappai tanystyrylymdar ótkizilgen. Bul is-sharalar áleýmettik jelide jariialanyp, halyqty sendirgen.
Agenttiktiń jedel sharalary nátijesinde 474 myń USDT kólemindegi kriptoaktivke tyiym salyndy.
