Sońǵy derekter, 18 qańtar kúni oblysta 93 jaǵdai anyqtalyp, táýligine ósim – 1,1% qurap otyr dep kórsetýde.
– Qazirgi tańda meditsina qyzmetkerleriniń baqylaýynda 2472 adam bar. Infektsiialyq statsionarlar júktemesiniń ulǵaiýyna bailanysty tósek sany 1138-den 1300-ge deiin artty. Oblystaǵy meditsinalyq mekemelerde 1300 infektsiialyq tósek bar. Sonymen qatar, koronavirýstyq infektsiiaǵa kúdikti jáne rastalǵan adamdar úshin reanimatsiialyq tósek sany 124-ten 135-ke ulǵaityldy, – deidi Almaty oblysynyń bas dárigeri Ómirzaq Niiazbekov.
Koronavirýspen kúreske barlyǵy jergilikti biýdjetten 13,8 mlrd teńge, onyń ishinde ekinshi tolqynǵa daiyndyqqa – 8,8 mlrd teńge bólingen.
Meditsinalyq uiymdarda 17 kompiýterlik tomograf, 53 rentgen apparaty, 534 ókpeni jasandy jeldetý apparaty jumys isteidi.
Sonymen qatar, oblystyń 17 aýrýhanasy ottegi stantsiialarymen qamtamasyz etilgen. Bul maqsatqa jergilikti biýdjetten 818,2 mln teńge bólindi. Sondai-aq, ottegi kontsentrattarynyń sany 1350 danaǵa jetti, oksigenoterapiiamen qamtý 45%-ǵa jetkizildi.
Memleket basshysynyń tapsyrmasyna sáikes, 26 reanimatsiialyq bólimshe qajetti jabdyqtarmen jabdyqtaldy. Ondaǵy tósek-oryn sany 96-ny qurap otyr.
Óńir meditsinasyndaǵy jańalyqtyń biregeii joǵary aǵyndy ottekti terapiia ádisi engizilýi. Búgingi kúni, meditsina memekelerinde quny 76 mln teńge turatyn 31 Hai Flý apparaty bar.
Jalpy, meditsinalyq jabdyqpen qamtamasyz etý 79%-dan 89%-ǵa deiin artqan. 180 jedel járdem kóligi, sondai-aq 12 jyljymaly meditsinalyq keshen satyp alyndy. Brigadalar sany 205-ke deiin jetti.
– 200 tósektik jańa juqpaly aýrýlar aýrýhanasy paidalanýǵa berildi. Jaǵdaiy aýyr naýqastar men balalarǵa arnalǵan kópsalaly aýrýhanalar bazasynda 4 ahýaldyq ortalyq quryldy. Qajet bolǵan jaǵdaida 5280 tósek-oryn ornalastyrylady. Koronavirýstyq pnevmoniiany erte kezeńde anyqtaý úshin jańa tsifrlyq júie engizildi. Oblys aýrýhanalarynda jeke qorǵaný quraldary men dárilik zattardyń eki ailyq qory bar. Budan basqa, halyqtyń áleýmettik osal toptary úshin jergilikti biýdjet esebinen 92,1 mln teńgege virýsqa qarsy preparattar satyp alyndy, – dep sózin sabaqtady Almaty oblystyq densaýlyq saqtaý basqarmasynyń basshysy Ómirzaq Ábilseiituly.
Aita keteiik, oblysta 1,3 mlrd teńgege turaqtandyrý qory quryldy. Dárilik zattar men meditsinalyq buiymdardyń 41 ataýy «INKAR» JShS qoimalaryna bólingen. Sondai-aq, «SK Farmatsiia» arqyly dárihanalarǵa 63 mln.teńgege ótinim qalyptastyryldy.
Óńirde 10 zerthana jumys isteidi, onda táýligine 6,3 myńǵa deiin zerthanalyq zertteýler júrgiziledi. 19.01.2021 j. jaǵdai boiynsha PTR ádisimen 374 856 adam zerthanalyq tekserýden ótti. 1 tamyzdan bastap oblys boiynsha pnevmoniia diagnozymen 1607 adam tirkeldi. 366 patsient emdelip shyqqan.
