سوڭعى دەرەكتەر, 18 قاڭتار كٷنٸ وبلىستا 93 جاعداي انىقتالىپ, تەۋلٸگٸنە ٶسٸم – 1,1% قۇراپ وتىر دەپ كٶرسەتۋدە.
– قازٸرگٸ تاڭدا مەديتسينا قىزمەتكەرلەرٸنٸڭ باقىلاۋىندا 2472 ادام بار. ينفەكتسييالىق ستاتسيونارلار جٷكتەمەسٸنٸڭ ۇلعايۋىنا بايلانىستى تٶسەك سانى 1138-دەن 1300-گە دەيٸن ارتتى. وبلىستاعى مەديتسينالىق مەكەمەلەردە 1300 ينفەكتسييالىق تٶسەك بار. سونىمەن قاتار, كوروناۆيرۋستىق ينفەكتسيياعا كٷدٸكتٸ جەنە راستالعان ادامدار ٷشٸن رەانيماتسييالىق تٶسەك سانى 124-تەن 135-كە ۇلعايتىلدى, – دەيدٸ الماتى وبلىسىنىڭ باس دەرٸگەرٸ ٶمٸرزاق نييازبەكوۆ.
كوروناۆيرۋسپەن كٷرەسكە بارلىعى جەرگٸلٸكتٸ بيۋدجەتتەن 13,8 ملرد تەڭگە, ونىڭ ٸشٸندە ەكٸنشٸ تولقىنعا دايىندىققا – 8,8 ملرد تەڭگە بٶلٸنگەن.
مەديتسينالىق ۇيىمداردا 17 كومپيۋتەرلٸك توموگراف, 53 رەنتگەن اپپاراتى, 534 ٶكپەنٸ جاساندى جەلدەتۋ اپپاراتى جۇمىس ٸستەيدٸ.
سونىمەن قاتار, وبلىستىڭ 17 اۋرۋحاناسى وتتەگٸ ستانتسييالارىمەن قامتاماسىز ەتٸلگەن. بۇل ماقساتقا جەرگٸلٸكتٸ بيۋدجەتتەن 818,2 ملن تەڭگە بٶلٸندٸ. سونداي-اق, وتتەگٸ كونتسەنتراتتارىنىڭ سانى 1350 داناعا جەتتٸ, وكسيگەنوتەراپييامەن قامتۋ 45%-عا جەتكٸزٸلدٸ.
مەملەكەت باسشىسىنىڭ تاپسىرماسىنا سەيكەس, 26 رەانيماتسييالىق بٶلٸمشە قاجەتتٸ جابدىقتارمەن جابدىقتالدى. ونداعى تٶسەك-ورىن سانى 96-نى قۇراپ وتىر.
ٶڭٸر مەديتسيناسىنداعى جاڭالىقتىڭ بٸرەگەيٸ جوعارى اعىندى وتتەكتٸ تەراپييا ەدٸسٸ ەنگٸزٸلۋٸ. بٷگٸنگٸ كٷنٸ, مەديتسينا مەمەكەلەرٸندە قۇنى 76 ملن تەڭگە تۇراتىن 31 حاي فلۋ اپپاراتى بار.
جالپى, مەديتسينالىق جابدىقپەن قامتاماسىز ەتۋ 79%-دان 89%-عا دەيٸن ارتقان. 180 جەدەل جەردەم كٶلٸگٸ, سونداي-اق 12 جىلجىمالى مەديتسينالىق كەشەن ساتىپ الىندى. بريگادالار سانى 205-كە دەيٸن جەتتٸ.
– 200 تٶسەكتٸك جاڭا جۇقپالى اۋرۋلار اۋرۋحاناسى پايدالانۋعا بەرٸلدٸ. جاعدايى اۋىر ناۋقاستار مەن بالالارعا ارنالعان كٶپسالالى اۋرۋحانالار بازاسىندا 4 احۋالدىق ورتالىق قۇرىلدى. قاجەت بولعان جاعدايدا 5280 تٶسەك-ورىن ورنالاستىرىلادى. كوروناۆيرۋستىق پنەۆمونييانى ەرتە كەزەڭدە انىقتاۋ ٷشٸن جاڭا تسيفرلىق جٷيە ەنگٸزٸلدٸ. وبلىس اۋرۋحانالارىندا جەكە قورعانۋ قۇرالدارى مەن دەرٸلٸك زاتتاردىڭ ەكٸ ايلىق قورى بار. بۇدان باسقا, حالىقتىڭ ەلەۋمەتتٸك وسال توپتارى ٷشٸن جەرگٸلٸكتٸ بيۋدجەت ەسەبٸنەن 92,1 ملن تەڭگەگە ۆيرۋسقا قارسى پرەپاراتتار ساتىپ الىندى, – دەپ سٶزٸن ساباقتادى الماتى وبلىستىق دەنساۋلىق ساقتاۋ باسقارماسىنىڭ باسشىسى ٶمٸرزاق ەبٸلسەيٸتۇلى.
ايتا كەتەيٸك, وبلىستا 1,3 ملرد تەڭگەگە تۇراقتاندىرۋ قورى قۇرىلدى. دەرٸلٸك زاتتار مەن مەديتسينالىق بۇيىمداردىڭ 41 اتاۋى «INKAR» جشس قويمالارىنا بٶلٸنگەن. سونداي-اق, «سك فارماتسييا» ارقىلى دەرٸحانالارعا 63 ملن.تەڭگەگە ٶتٸنٸم قالىپتاستىرىلدى.
ٶڭٸردە 10 زەرتحانا جۇمىس ٸستەيدٸ, وندا تەۋلٸگٸنە 6,3 مىڭعا دەيٸن زەرتحانالىق زەرتتەۋلەر جٷرگٸزٸلەدٸ. 19.01.2021 ج. جاعداي بويىنشا پتر ەدٸسٸمەن 374 856 ادام زەرتحانالىق تەكسەرۋدەن ٶتتٸ. 1 تامىزدان باستاپ وبلىس بويىنشا پنەۆمونييا دياگنوزىمەن 1607 ادام تٸركەلدٸ. 366 پاتسيەنت ەمدەلٸپ شىققان.
