AQSh prezidenti Donald Tramp investitsiialyq menedjerleri belgili bir kompaniialardyń aktsiialaryn satyp alǵannan keiin kóp uzamai sol kompaniialar týraly Truth Social áleýmettik jelisinde oń pikirler jariialaǵan. Mundai málimetti CNN jariialady, dep habarlaidy dalanews.kz.
Telearnanyń málimetinshe, 2025 jyly Tramp keminde 44 ret 21 kompaniianyń aktsiialaryn satyp alǵannan keiin bir apta ishinde olardyń qyzmeti, basshylyǵy nemese ónimderi týraly oń jazbalar jariialaǵan.
Atalǵan kompaniialardyń qatarynda Nvidia, Tesla, Apple, GE Aerospace, Eli Lilly, American Eagle jáne basqa da iri korporatsiialar bar.
CNN dereginshe, Aq úi bul aiyptaýlardy joqqa shyǵaryp, prezidenttiń aktivterin táýelsiz qarjy menedjerleri basqaratynyn jáne Tramptyń investitsiialyq mámilelerge yqpal etpeitinin málimdegen.
Alaida jýrnalisterdiń aitýynsha, AQSh-tyń burynǵy prezidentteriniń kópshiliginen aiyrmashylyǵy, Donald Tramp óz aktivterin «soqyr trastqa» (blind trust) ótkizbegen. Sondyqtan onyń qandai kompaniialardyń aktsiialaryna ielik etetinin bilýi yqtimal.
Bloomberg málimetinshe, osy jait Tramptyń áleýmettik jelidegi jariialanymdary men jeke qarjylyq múddeleri arasyndaǵy yqtimal bailanys týraly pikirtalasty kúsheitken.
