Sizderdiń sporttyq jetistikterińizdi el Prezidenti joǵary baǵalap, memlekettik nagrada berdi. Zýlfiia II dárejeli "Dostyq", Igor – "Qurmet" ordenderimen marapattaldy. Olimpiada oiyndarynyń qola júldesi elimiz úshin úlken jetistik. Sondyqtan sender bizdiń elimizdiń maqtanyshysyzdar. Sizderge barlyq qajetti memlekettik qoldaý turaqty túrde kórsetiledi. Biz óz tarapymyzdan kómektesýdi jáne qoldaýdy jalǵastyramyz. Búgin men sizderdi jetisýlyqtar atynan eleýli jeńispen quttyqtaimyn jáne jańa sport shyńdaryn baǵyndyrýlaryńyzǵa tilektespin, - degen Amandyq Batalov sportshylarǵa oblys ákiminiń qurmet gramotasy jáne páter kiltterin tabys etti.
Zýlfiia Chinshanlo úsh bólmeli páterdiń, al Igor Son eki bólmeli páterdiń kiltin aldy. Sportshylardyń jattyqtyrýshylary da marapattaldy. Olarǵa árqaisysyna 2 million teńgeden aqsha sertifikattary tabys etildi.
Olimpiada oiyndarynyń qola júldegeri, aýyr atletikadan 2019 jylǵy álem chempionatynyń kúmis júldegeri Igor Son sportshylarǵa kórsetken kómegi men qoldaýy úshin alǵysyn bildirdi:
Sportshylarǵa barlyq jaǵynan kórsetken kómegi úshin el Prezidentine shynaiy rizashylyǵymdy bildiremin. Biz óz tarapymyzdan bizge artylǵan senimdi aqtaýǵa bar kúshimizdi salamyz. Alda Aziia oiyndary. Biz olarǵa joǵary marapattarǵa ie bolý úshin belsendi túrde daiyndalatyn bolamyz, - dedi ol.
QR eńbek sińirgen sport sheberi, halyqaralyq dárejedegi sport sheberi, Igor Sonnyń jattyqtyrýshysy Vladimir Sedov ta rizashylyǵyn bildirdi:
13 jyl boiy men sport internatynda jattyqtyrýshy bolyp jumys istep kelemin. Endi Olimpiada oiyndarynyń qola júldegeri atanǵan taǵy eki tárbielenýshim bar. Birinshisi - Karina Goricheva, qazir Igor. Men buǵan óte qýanyshtymyn. Jattyqtyrýshylar atynan sportshylarymyzdyń sátti jattyqtyrýy úshin jasalǵan jaǵdaiǵa alǵys aitqym keledi. Biz elge jáne aimaqqa medal ákelý úshin nátije úshin jumysty jalǵastyramyz, - dedi ol.
Kezdesý barysynda sportshylar aldaǵy josparlarymen bólisti, ózderiniń maqsattary men sporttyq daiyndyq erekshelikteri týraly aitty.
Amandyq Batalov atap ótkendei, Almaty oblysy chempiondardyń tutas galaktikasyn tárbielep shyǵardy, bul memlekettiń jan-jaqty qoldaýynyń arqasynda múmkin boldy.
Biz jaqynda Ortalyq Aziiada balamasy joq olimpiadalyq basseindi paidalanýǵa berdik. Qazirdiń ózinde oǵan 850-ge jýyq bala júzýge jazyldy. Bolashaqta olardyń kópshiligi bizdi jetistikteri men jeńisterimen qýantady dep oilaimyn. Elbasynyń respýblikada 100 sporttyq-saýyqtyrý ortalyǵynyń qurylysyna tapsyrysyna sáikes, oblysta 13 sporttyq-saýyqtyrý ortalyǵy paidalanýǵa berildi. Taǵy 5-eýi jaqynda beriledi. olardyń bireýi shalǵaidaǵy Balqash óńirinde. Qazirdiń ózinde paidalanýǵa daiyn. Bul rette biz sport ǵimarattaryn, materialdyq-tehnikalyq bazany retteýge erekshe nazar aýdaramyz. Bunyń bári buqaralyq sportty damytýǵa jáne jańa talanttardy anyqtaýǵa yqpal etip, nátije berýde. Men sizderdi taǵy jarqyn jeńisterińmen quttyqtaimyn. Sizderge sáttilik tileimin, - dep qorytyndylady kezdesýdi oblys ákimi Amandyq Batalov.
