2025 jyldyń qarasha aiynda qazaqstandyq Allur avtomobil kompaniiasynyń quramyna kiretin Chevrolet brendi jańa absoliýtti rekord ornatty, dep habarlaidy Dalanews.kz
Bir aidyń ishinde 7 777 avtomobil satylǵan. Bul – Qazaqstannyń avtomobil naryǵy tarihyndaǵy eń joǵary ailyq kórsetkish qana emes, sonymen qatar, bir brendtiń mundai deńgeige alǵash ret qol jetkizýi.
Atalǵan jetistik Chevrolet markasy úshin airyqsha mánge ie, sebebi bul kompaniianyń burynǵy rekordtaryn qaitalap qana qoimai, aiqyn túrde asyra oryndaǵanyn kórsetedi. Atap aitqanda, 2024 jyldyń qazan aiynda Chevrolet 6 265 avtomobil satyp, salalyq rekord ornatqan bolatyn, al búginde bul mejeni taǵy da biiktete tústi. Jańa nátijege negizgi úlesti 7 105 dana satylǵan Chevrolet Cobalt modeli qosty. Ol eldegi eń suranysqa ie avtomobil mártebesin saqtap qaldy.
Chevrolet halyqtyq brend retindegi pozitsiiasyn nyǵaityp, keń aýqymdy tutynýshylardyń qajettilikterine sai keletin kólikterdi usynýdy jalǵastyryp keledi. Cobalt pen Onix qosa alǵanda, barlyq modelder Qostanai qalasyndaǵy Allur zaýytynda General Motors tehnologiialary negizinde óndiriledi. Joǵary dáldiktegi óndiristik úderister, zamanaýi jabdyqtar jáne qatań sapa baqylaýy senimdiliktiń turaqty deńgeiin qamtamasyz etip, el kóleminde joǵary suranysty saqtaýǵa múmkindik berip otyr.
Tarihi rekordqa qol jetkizý qurmetine orai Chevrolet brendi Chevrolet Onix modeline arnalǵan «QazaqEleni +1» arnaiy aktsiiasynyń bastalǵanyn habarlaidy. Aktsiia aiasynda avtomobildi 6 390 000 teńgeden bastap tiimdi sharttarmen satyp alýǵa bolady. Usynys jeltoqsan aiynyń sońyna deiin jaramdy.
Sonymen qatar, Chevrolet Cobalt modeliniń baǵasy tómendetilip, endi ol 6 190 000 teńgeden bastap qoljetimdi. Eldegi eń tanymal avtomobil bolyp qala beretin bul modeldiń jańa baǵasy ony tutynýshylar úshin odan ári tartymdy ete túsedi.
Chevrolet Kazakhstan distribýtsiia direktory Mark Nojnenko:
«Qarasha aiyndaǵy rekord – bul tutynýshylarymyzdyń bizge degen seniminiń jáne Allur kompaniiasy men dilerlik jeliniń úilesimdi jumysynyń nátijesi. Chevrolet-tiń Qazaqstandaǵy №1 brend bolyp qala berip otyrǵanyna qýanyshtymyz. Osy aitýly oqiǵaǵa orai, kólikti barynsha tiimdi sharttarmen satyp alýǵa múmkindik beretin arnaiy usynystardy iske qostyq», – dep atap ótti.
Aktsiia aiasyndaǵy avtomobil sany shekteýli, bul joǵary suranys jaǵdaiynda usynystyń ózektiligin arttyra túsedi.
