AQSh-tyń Florida shtaty OpenAI kompaniiasy men onyń bas direktory Sem Altmanǵa qarsy sotqa talap aryz túsirdi. Shtat biligi ChatGPT platformasynyń balalar úshin qaýipsiz ekeni jóninde paidalanýshylardy jańylystyrdy dep aiyptap otyr, dep habarlaidy dalanews.kz.
Reuters agenttiginiń habarlaýynsha, Florida shtatynyń bas prokýrory Djeims Ýtmaier ChatGPT keibir jaǵdailarda mektepterdegi qarýly shabýyldardy josparlaýy múmkin adamdarǵa aqparat bergenin, ózine ziian keltirý týraly keńester usynǵanyn jáne jas qoldanýshylar arasynda táýeldilik qalyptastyrýǵa yqpal etkenin málimdegen.
Onyń aitýynsha, Florida OpenAI-ge qarsy sotqa júgingen AQSh-taǵy alǵashqy shtat boldy.
"Adamdar zardap shegip jatyr, ata-analar aldandy. Ol úshin jaýap berýi tiis", – dedi prokýror.
Talap aryzda ChatGPT-pen sóileskennen keiin zorlyq-zombylyq áreketterine barǵan paidalanýshylarǵa qatysty jekelegen oqiǵalar da keltirilgen. Sonymen qatar prokýror Sem Altmandy jaýapkerler qataryna jeke engizgenin aitty. Onyń sózinshe, kompaniia basshysy bilik qaýipti dep sanaityn servistiń keibir fýnktsiialaryn damytý men nasihattaýda mańyzdy ról atqarǵan.
Florida biligi OpenAI-den milliardtaǵan dollar kóleminde ótemaqy óndirýdi, sondai-aq kámeletke tolmaǵan paidalanýshylarmen ózara árekettesý tetikterin ózgertýdi talap etip otyr.
Ázirge OpenAI bul talapqa qatysty resmi pikir bildirgen joq. Buǵan deiin kompaniia óz modelderiniń zorlyq-zombylyqqa yqpal etýi múmkin suranystardy qabyldamaýǵa úiretilgenin, al naqty qaýip anyqtalǵan jaǵdaida aqparat quqyq qorǵaý organdaryna beriletinin málimdegen.
