C. Kýianov: «EKSPO-2017» kórmesiniń ýaqyty sozylmaidy»
«EKSPO-2017» Ulttyq kompaniia basshysy Ahmetjan Esimovten ártúrli kompaniialar men biznes ókilderi EKSPO kórmesin qarasha aiyna deiin sozýdy suraǵan bolatyn. Biz olardyń ýájin túsinip otyrmyz. Týristik kompaniialar qazir jaqsy tabys taýyp jatyr. Jýyrda ǵana Astana ákimdigi týrizm jáne basqa salalarda ilgerileýshilik baryn aitty. Halyqaralyq kórme jumysyn bastaǵaly beri Astanaǵa 1 772 489 týrist kelgen. Bul ótken jyldaǵydan 4,5 esege kóp. Bul – jaqsy kórsetkish. Aldaǵy ýaqytta da Astanada týrizmdi damytýdyń jańa josparyn quratyn bolamyz», – dedi departament basshysy.
Onyń aitýynsha, aldaǵy ýaqytta EKSPO kórmesine kelýshilerdiń sany artýy múmkin. Óitkeni, kórme aiaqtalýǵa jaqyndaǵan saiyn elimizdiń túkpir-túkpirinen biregei sharany tamashalap qalýǵa yntalylar arta túsken.
Alaida «Astana EKSPO-2017» kórmesi halyqaralyq biýrosynyń reglamenti boiynsha óz jumysyn ýaqytynda toqtatatady. Mamandandyrylǵan kórme tek 3 aiǵa sozylady. Sondyqtan úndeýge kelisim bere almaimyz», – dedi Kýianov.
Ol «Nur álemnen» bólek, art ortalyq pen úzdik tájiribeler aimaǵy, «Kongress» pen «Energiia holl» da óz jumysyn jalǵastyratynyn málimdedi. Kórmege kele almaǵandar keiingi ýaqytta osy nysandardy aralaý arqyly EKSPO kórmesiniń jalpy barysymen tanysý múmkindigine ie bolady.
