«ەكسپو-2017» ۇلتتىق كومپانيا باسشىسى احمەتجان ەسىموۆتەن ءارتۇرلى كومپانيالار مەن بيزنەس وكىلدەرى ەكسپو كورمەسىن قاراشا ايىنا دەيىن سوزۋدى سۇراعان بولاتىن. ءبىز ولاردىڭ ءۋاجىن ءتۇسىنىپ وتىرمىز. تۋريستىك كومپانيالار ءقازىر جاقسى تابىس تاۋىپ جاتىر. جۋىردا عانا استانا اكىمدىگى تۋريزم جانە باسقا سالالاردا ىلگەرىلەۋشىلىك بارىن ايتتى. حالىقارالىق كورمە جۇمىسىن باستاعالى بەرى استاناعا 1 772 489 تۋريست كەلگەن. بۇل وتكەن جىلداعىدان 4،5 ەسەگە كوپ. بۇل – جاقسى كورسەتكىش. الداعى ۋاقىتتا دا استانادا ءتۋريزمدى دامىتۋدىڭ جاڭا جوسپارىن قۇراتىن بولامىز»، – دەدى دەپارتامەنت باسشىسى.
ونىڭ ايتۋىنشا، الداعى ۋاقىتتا ەكسپو كورمەسىنە كەلۋشىلەردىڭ سانى ارتۋى مۇمكىن. ويتكەنى، كورمە اياقتالۋعا جاقىنداعان سايىن ەلىمىزدىڭ تۇكپىر-تۇكپىرىنەن بىرەگەي شارانى تاماشالاپ قالۋعا ىنتالىلار ارتا تۇسكەن.
الايدا «استانا ەكسپو-2017» كورمەسى حالىقارالىق بيۋروسىنىڭ رەگلامەنتى بويىنشا ءوز جۇمىسىن ۋاقىتىندا توقتاتاتادى. مامانداندىرىلعان كورمە تەك 3 ايعا سوزىلادى. سوندىقتان ۇندەۋگە كەلىسىم بەرە المايمىز»، – دەدى كۋيانوۆ.
ول «نۇر الەمنەن» بولەك، ارت ورتالىق پەن ۇزدىك تاجىريبەلەر ايماعى، «كونگرەسس» پەن «ەنەرگيا حولل» دا ءوز جۇمىسىن جالعاستىراتىنىن مالىمدەدى. كورمەگە كەلە الماعاندار كەيىنگى ۋاقىتتا وسى نىسانداردى ارالاۋ ارقىلى ەكسپو كورمەسىنىڭ جالپى بارىسىمەن تانىسۋ مۇمكىندىگىنە يە بولادى.
