«Biznestiń jol kartasy – 2025» memlekettik baǵdarlamasy aiasynda jalpy somasy 41,6 mlrd. teńge quraityn 1000-ǵa jýyq shaǵyn jáne orta biznes sýbekti qoldaý tapty. Onyń ishinde nesie somasy 31,4 mlrd. teńge quraityn 634 kásipkerdiń paiyzdyq mólsherlemesi sýbsidiialanyp, 318 kásipkerdiń jobasy 10,2 mlrd. teńgege kepildendirildi. Bul týraly Atyraý oblysynyń ákimi Serik Shápkenov QR Prezidenti janyndaǵy Ortalyq kommýnikatsiialar qyzmetiniń alańynda ótken baspasóz brifinginde málim etti.
Budan bólek, aýyl turǵyndarynyń ál-aýqatyn arttyrýǵa baǵyttalǵan «Aýyl amanaty» ulttyq jobasy aimaqtaǵy shaǵyn jáne orta biznes ieleriniń tyń ideialaryn júzege asyrýǵa múmkindik berdi. Biyl oǵan oblystyq biýdjetten 761 million teńge bólinip, 83 joba iske asyp jatyr.
- Jobalar aýyldyq jerlerde jańa jumys oryndaryn ashýǵa, turǵyndardyń tabysyn arttyrýǵa jáne óńir ekonomikasyn nyǵaitýǵa aitarlyqtai úles qosýda. Jobalardyń 50-i mal sharýashylyǵyn damytýǵa, 30-y shaǵyn jáne orta biznesti qoldaýǵa jáne úsheýi egin sharýashylyǵyn damytýǵa baǵyttalǵan. Sonymen qatar biyl júzege asyrylǵan 3 iri investitsiialyq jobanyń nátijesinde jańadan 90 jumys orny quryldy,-dedi S.Shápkenov.
Keler jyly jalpy quny 26,2 milliard teńgeni quraityn 4 jańa investitsiialyq jobany iske asyrý josparlanyp otyr. Onyń aiasynda taǵy da 187 jumys orny qurylady.
