Birinshi jartyjyldyqta «Keń dala» memlekettik baǵdarlamasy aiasynda kóktemgi egis jáne egin jinaý jumystaryn júrgizý úshin 1 mlrd teńge qarjy «Agrarlyq nesie korporatsiiasy» AQ-nan tartylyp 21 joba iske asyryldy. Biyl «Ońtústik» AIO» JShS memlekettik baǵdarlamalar aiasynda «Damý» KDQ» AQ-nan jáne «Agrarlyq nesie korporatsiiasy» AQ-nan, sondai-aq basqa da biýdjetten tys qorlardan qarjy tartýdy josparlap otyr.
Al, enshiles «Yrys» MQU 2021 jyly 6,2 mlrd teńgege 1 300 jobany qarjylandyrý josparlaýda. Sonyń ishinde, kóktemgi dala jumystaryn «Agrarlyq nesie korporatsiiasy» AQ-nan tartylǵan qarajat esebinen 2,8 mlrd. teńgege 750 joba, «Eńbek» memlekettik baǵdarlamasy aiasynda «Damý «KQQ» AQ jáne «Agrarlyq nesie korporatsiia» AQ-nan tartylǵan qarajat esebinen 1 400 mln. teńgege 220 joba jáne qaitarylǵan qarajat esebinen 2 mlrd. teńgege 330 jobaǵa qarjylai qoldaý kórsetilmek.
Ótken jartyjyldyqta «Yrys» MQU tarapynan 3,62 mlrd. teńgege qarjylandyrylǵan 882 jobanyń sátti iske asyrylýy 947 (onyń ishinde 832 maýsymdyq) jumys ornynyń ashylýyna septigin tigizdi.
Mikroqarjy uiymy tarapynan nesielendirý jumystarynyń tiimdiligin arttyrý maqsatynda birneshe baǵdarlamalar ázirlengen. Olar mal jáne ósimdik sharýashylyǵy, jylyjai, biznes, tutynýshylyq nesie salalaryna baǵyttalǵan. Sonymen qatar, Túrkistan oblysynyń ár aýdanynda jumys isteitin Aimaqtyq nesie sarapshylary men problemalyq nesielerdiń azaiýyna yqpal etý maqsatynda jolǵa qoiylǵan Táýekel menedjmenti qyzmeti eki ese kúsheitildi.
Budan basqa, «OŃTÚSTIK» AIO enshiles uiymymen birlese otyryp kásipkerlerge nesie berýdiń sapasyn joǵarylatý jáne jemqorlyqqa qarsy sharalardy kúsheitý maqsatynda orta jáne shaǵyn biznes sýbektilerine nesie berý biznes-protsessterin avtomattandyrý jumystary qarqyndy túrde júrgizilýde.
