Petropavldaǵy aýyl sharýashylyǵy kompaniiasy ForteBank-te nesie rásimdeý arqyly “jasyl” tehnologiialarǵa kóship, jylý júiesine ketetin shyǵyndaryn 4 esege qysqartyp, ziiandy qaldyqtaryn azaitty, dep habarlaidy Dalanews.kz.
Innovatsiianyń máni nede?
“Diqanshy” JShS — aýyl sharýashylyǵy ónimderin óńdeýshi ári eksporttaýshy kompaniia. Buǵan deiin olar ǵimarattaryn qalalyq ortalyqtandyrylǵan jylý júiesi arqyly jylytyp keldi. Bul aitarlyqtai shyǵyndarǵa jáne ziiandy qaldyqtardyń joǵary mólsherde shyǵýyna ákep soqty. Osy máselelerdi sheshý maqsatynda kompaniia biomassadan jumys isteitin, qýaty 300 kVt bolatyn pelletti qazandyqtardy ornatýǵa sheshim qabyldady.
Pelletter — ósimdik shikizatynan alynǵan otyn granýlalary. “Diqanshy” JShS kompaniiasynda aýyl sharýashylyǵy ónimderi — aramshópter men zyǵyrdyń qabyǵy kóp bolǵandyqtan, dál osy maqsatqa qoldanylady.
Ǵimarattardy jylytý úshin maýsym ishinde shamamen 165 tonna pellet qajet. Al kompaniia ony ózi óndirgendikten, biomassany satyp alý qajettiligi joiyldy.
Qarjy máselesi qalai sheshimin tapty?
Ekologiialyq taza óndiris tehnologiialaryna kóshý úshin belgili bir qarjy salymdary qajet. Sondyqtan kompaniialar “jasyl” tehnologiialarǵa nesie alý maqsatynda bankterge jii júginedi. “Diqanshy” JShS, ForteBank-pen tórt jyl boiy jumys istep kele jatqan kompaniia, pelletti qazandyq ornatý úshin 60 mln teńge kóleminde transh surady. Joba maquldanyp, “Damý” damytý qorynyń tómendetilgen sýbsidiialaý mólsherlemesimen qarjylandyryldy.
1,1 trln teńgelik portfeli bar, MSB jáne iri biznesti qarjylandyrý boiynsha elimizdiń úzdik úshtigine kiretin ForteBank mámilege kepilger bolýǵa daiyn ekenin bildirdi.
“Tómendetilgen kredit stavkalary arqyly qazaqstandyq kásiporyndar qorshaǵan orta men qoǵamǵa oń áser etetin jobalardy júzege asyra alady. “Diqanshy” kompaniiasymen seriktestigimizdiń mysalynda kórsetilgendei, mundai bastamalar ekologiialyq qana emes, ekonomikalyq nátijeni de jaqsartady. Otandyq kompaniialardy qarjylandyrý arqyly bankter tek kásipkerlerdi qoldap qana qoimai, klimattyń ózgerýimen kúresýge de kómektesedi. Qarjy institýttary óz qyzmetin turaqty damý printsipterine sai ózgertip keledi”, — dedi ForteBank shaǵyn jáne orta biznes departamentiniń jetekshisi Ǵani Maqsut.
Qandai artyqshylyqtarǵa ie boldy?
Ornatylǵan qazandyq avtomatty qýat rettegishterimen jabdyqtalǵan, bul aǵash jáne kómir qazandyqtarynda bolmaidy. Jańartylǵan jabdyq kompaniia ǵimarattaryndaǵy temperatýrany retteýge múmkindik beredi. Bul jumysshylardyń jaily jumys isteýine jáne ónimderdiń qaýipsiz saqtalýyna qolaily jaǵdai jasaidy.
“Burynǵy ortalyqtandyrylǵan jylý júiesimen salystyrǵanda, qazirgi shyǵyndarymyz 4 ese, iaǵni jylyna 8,2 mln teńgege azaidy. Bul investitsiiany alty jylda ótei alady”, — dedi “Diqanshy” JShS qarjy direktory Viacheslav Sýtýlov.
Odan bólek, spiker ForteBank nesie menedjerleriniń jyldam jumysyn, avtomattandyrylǵan protsesti jáne “jasyl”tehnologiialardy qarjylandyrý tiimdiligin joǵary baǵalady.
