Úkimet basshysy Oljas Bektenov Parlament palatalarynyń birlesken otyrysynda tapshylyqty azaitý josparyn qamtityn úsh jyldyq biýdjet jobasy týraly baiandady, dep habarlaidy Dalanews.kz.
Onyń aitýynsha Úkimettiń 2026 jyly biýdjet tapshylyǵyn qazirgi 2,7%-dan 2,5%-ǵa deiin tómendetemiz degen jospary bar. Sol sekildi 2027 jyly 1,8%-ǵa deiin, 2028 jyly 1,4 %-ǵa deiin biýdjet tapshylyǵyn tómendete otyryp, úsh jylǵa arnalǵan biýdjet jobasyn daiyndaýda.
"Memleket basshysy Ulttyq qordyń qarjysyn biýdjet tapshylyǵyn jabý úshin emes, tek qana respýblikalyq mańyzy bar iri infraqurylymdyq jobalardy salý kerek dep bizge naqty tapsyrma qoidy. Biz osy tapsyrmalardy múltiksiz oryndaimyz", — dep atap ótti Oljas Bektenov.
Iske asyrylyp jatqan reformalar jalpy alǵanda biýdjettiń kiris bóligin nyǵaitýǵa jáne ony josparlaý sapasyn jaqsartýǵa, Memleket basshysy alǵa qoiǵan ekonomikalyq ósimdi qamtamasyz etý jónindegi strategiialyq maqsatqa qol jetkizýge yqpal etetinin atap ótken jón.
Jahandyq ekonomikanyń ózgermeli jaǵdaiynda Qazaqstan turaqty qarjylyq-ekonomikalyq kórsetkishterdi saqtap keledi.
Sondai-aq Premer-ministr Oljas Bektenov QR Parlamenti palatalarynyń birlesken otyrysynda osy jyldyń alǵashqy 5 aiynda elimizdiń JIÓ ósimi 6%-dy quraǵanyn, negizgi kapitalǵa investitsiia kóleminiń 18%-ǵa artqanyn atap ótti.
Ekinshi deńgeili bankterdiń bizneske nesie berý kóleminiń artýy oń nátije boldy.
Biylǵy kórsetkishter ótken jylmen salystyrǵanda 16%-ǵa ósti.
Salalar arasynda qurylys sektory (15%-dan astam), kólik jáne qoimalaý (23%), óńdeý ónerkásibi (6%) jáne saýda (shamamen 8%) ekonomikalyq damýdyń qozǵaýshy kúshine ainaldy.
"Bul qazirgi ýaqytta qarqyndy ósýdi qamtamasyz etetin negizgi salalar.
Endigi bizdiń basty mindetimiz – osy qarqyndar men kórsetkishterdiń barlyǵyn saqtap qalý, odan da arttyra túsý. Osy oraida Úkimet damý biýdjetin qosa alǵanda, nyǵaitý boiynsha maqsatty jumys júrgizip keledi. Júrgizilip jatqan salyq reformasynyń arqasynda biz kelesi jyldan bastap infraqurylymdy damytýdy qarjylandyrýdyń edáýir ósýin kútemiz, bul uzaqmerzimdi ornyqty ósý úshin alǵysharttar jasaidy",
— dep atap ótti Premer-ministr.
