ٷكٸمەت باسشىسى ولجاس بەكتەنوۆ پارلامەنت پالاتالارىنىڭ بٸرلەسكەن وتىرىسىندا تاپشىلىقتى ازايتۋ جوسپارىن قامتيتىن ٷش جىلدىق بيۋدجەت جوباسى تۋرالى باياندادى, دەپ حابارلايدى Dalanews.kz.
ونىڭ ايتۋىنشا ٷكٸمەتتٸڭ 2026 جىلى بيۋدجەت تاپشىلىعىن قازٸرگٸ 2,7%-دان 2,5%-عا دەيٸن تٶمەندەتەمٸز دەگەن جوسپارى بار. سول سەكٸلدٸ 2027 جىلى 1,8%-عا دەيٸن, 2028 جىلى 1,4 %-عا دەيٸن بيۋدجەت تاپشىلىعىن تٶمەندەتە وتىرىپ, ٷش جىلعا ارنالعان بيۋدجەت جوباسىن دايىنداۋدا.
"مەملەكەت باسشىسى ۇلتتىق قوردىڭ قارجىسىن بيۋدجەت تاپشىلىعىن جابۋ ٷشٸن ەمەس, تەك قانا رەسپۋبليكالىق ماڭىزى بار ٸرٸ ينفراقۇرىلىمدىق جوبالاردى سالۋ كەرەك دەپ بٸزگە ناقتى تاپسىرما قويدى. بٸز وسى تاپسىرمالاردى مٷلتٸكسٸز ورىندايمىز", — دەپ اتاپ ٶتتٸ ولجاس بەكتەنوۆ.
ٸسكە اسىرىلىپ جاتقان رەفورمالار جالپى العاندا بيۋدجەتتٸڭ كٸرٸس بٶلٸگٸن نىعايتۋعا جەنە ونى جوسپارلاۋ ساپاسىن جاقسارتۋعا, مەملەكەت باسشىسى العا قويعان ەكونوميكالىق ٶسٸمدٸ قامتاماسىز ەتۋ جٶنٸندەگٸ ستراتەگييالىق ماقساتقا قول جەتكٸزۋگە ىقپال ەتەتٸنٸن اتاپ ٶتكەن جٶن.
جاھاندىق ەكونوميكانىڭ ٶزگەرمەلٸ جاعدايىندا قازاقستان تۇراقتى قارجىلىق-ەكونوميكالىق كٶرسەتكٸشتەردٸ ساقتاپ كەلەدٸ.
سونداي-اق پرەمەر-مينيستر ولجاس بەكتەنوۆ قر پارلامەنتٸ پالاتالارىنىڭ بٸرلەسكەن وتىرىسىندا وسى جىلدىڭ العاشقى 5 ايىندا ەلٸمٸزدٸڭ جٸٶ ٶسٸمٸ 6%-دى قۇراعانىن, نەگٸزگٸ كاپيتالعا ينۆەستيتسييا كٶلەمٸنٸڭ 18%-عا ارتقانىن اتاپ ٶتتٸ.
ەكٸنشٸ دەڭگەيلٸ بانكتەردٸڭ بيزنەسكە نەسيە بەرۋ كٶلەمٸنٸڭ ارتۋى وڭ نەتيجە بولدى.
بيىلعى كٶرسەتكٸشتەر ٶتكەن جىلمەن سالىستىرعاندا 16%-عا ٶستٸ.
سالالار اراسىندا قۇرىلىس سەكتورى (15%-دان استام), كٶلٸك جەنە قويمالاۋ (23%), ٶڭدەۋ ٶنەركەسٸبٸ (6%) جەنە ساۋدا (شامامەن 8%) ەكونوميكالىق دامۋدىڭ قوزعاۋشى كٷشٸنە اينالدى.
"بۇل قازٸرگٸ ۋاقىتتا قارقىندى ٶسۋدٸ قامتاماسىز ەتەتٸن نەگٸزگٸ سالالار.
ەندٸگٸ بٸزدٸڭ باستى مٸندەتٸمٸز – وسى قارقىندار مەن كٶرسەتكٸشتەردٸڭ بارلىعىن ساقتاپ قالۋ, ودان دا ارتتىرا تٷسۋ. وسى ورايدا ٷكٸمەت دامۋ بيۋدجەتٸن قوسا العاندا, نىعايتۋ بويىنشا ماقساتتى جۇمىس جٷرگٸزٸپ كەلەدٸ. جٷرگٸزٸلٸپ جاتقان سالىق رەفورماسىنىڭ ارقاسىندا بٸز كەلەسٸ جىلدان باستاپ ينفراقۇرىلىمدى دامىتۋدى قارجىلاندىرۋدىڭ ەدەۋٸر ٶسۋٸن كٷتەمٸز, بۇل ۇزاقمەرزٸمدٸ ورنىقتى ٶسۋ ٷشٸن العىشارتتار جاسايدى",
— دەپ اتاپ ٶتتٸ پرەمەر-مينيستر.
