قازاقستاندا 2026–2027 وقۋ جىلىنا ارنالعان بٸلٸم بەرۋ گرانتتارىن تاعايىنداۋ كونكۋرسىنا قاتىسۋ ٷشٸن 127 مىڭعا جۋىق تالاپكەر ٶتٸنٸش تاپسىردى. بۇل ٶتكەن جىلمەن سالىستىرعاندا 14 مىڭعا كٶپ, دەپ حابارلايدى dalanews.kz.
مينيسترلٸكتٸڭ مەلٸمەتٸنشە, بىلتىر گرانت كونكۋرسىنا قاتىسۋ ٷشٸن 113 مىڭ ٶتٸنٸش قابىلدانعان. ال بيىل باكالاۆرياتقا تٷسۋگە 75 مىڭنان استام مەملەكەتتٸك بٸلٸم گرانتى بٶلٸنٸپ وتىر.
ۆەدومستۆونىڭ مەلٸمەتٸنشە, گرانتتاردىڭ 60 پايىزى ينجەنەرلٸك, ٶڭدەۋ جەنە قۇرىلىس باعىتىنداعى ماماندىقتارعا بٶلٸنگەن. تاعى 20 پايىزى پەداگوگيكالىق ماماندىقتارعا, قالعان 20 پايىزى ەڭبەك نارىعىنداعى سۇرانىس ەسكەرٸلە وتىرىپ ٶزگە بٸلٸم بەرۋ باعىتتارىنا قاراستىرىلعان.
مينيسترلٸك تالاپكەرلەردٸڭ ماماندىق تاڭداۋى سوڭعى بٸرنەشە جىلدا ايتارلىقتاي ٶزگەرمەگەنٸن اتاپ ٶتتٸ.
"ٶتٸنٸشتەردٸڭ باسىم بٶلٸگٸ “ينجەنەرلٸك, ٶڭدەۋ جەنە قۇرىلىس سالالارى”, “پەداگوگيكالىق عىلىمدار” جەنە “اقپاراتتىق-كوممۋنيكاتسييالىق تەحنولوگييالار” باعىتتارىنا بەرٸلدٸ", – دەلٸنگەن مينيسترلٸك حابارلاماسىندا.
سونداي-اق قابىلداۋ ناۋقانىنىڭ قورىتىندىسى بويىنشا بولاشاق اۋدارماشىلار, ديپلوماتتار, زاڭگەرلەر, پسيحولوگتار جەنە مۇعالٸمدەر اراسىندا بٸر گرانتتىق ورىنعا ەڭ جوعارى بەسەكە قالىپتاسادى دەپ كٷتٸلٸپ وتىر.
بٸلٸم گرانتتارىن تاعايىنداۋ تۋرالى تٷپكٸلٸكتٸ شەشٸمدٸ مەملەكەتتٸك ورگانداردىڭ, قوعامدىق ۇيىمداردىڭ ٶكٸلدەرٸ مەن قوعام بەلسەندٸلەرٸ كٸرەتٸن رەسپۋبليكالىق كونكۋرستىق كوميسسييا قابىلدايدى.
مينيسترلٸكتٸڭ مەلٸمەتٸنشە, گرانت يەگەرلەرٸنٸڭ تٸزٸمٸ 10 تامىزعا دەيٸن جارييالانادى. ال جوعارى وقۋ ورىندارىنا قۇجات قابىلداۋ 25 تامىزدا اياقتالادى.
