قازاقستاندا شەگٸرتكە زييانكەستەرٸنە قارسى قورعانىس جۇمىستارى تولىق اياقتالدى. بيىل اۋىل شارۋاشىلىعى داقىلدارىنىڭ زاقىمدانۋىنا جول بەرٸلمەگەن. بۇل تۋرالى اۋىل شارۋاشىلىعى مينيسترلٸگٸ مەلٸمدەدٸ, دەپ حابارلايدى dalanews.kz.
مينيسترلٸكتٸڭ مەلٸمەتٸنشە, سوڭعى ەكٸ جىلدا فيتوسانيتارييالىق قىزمەتتٸ جاڭعىرتۋ نەتيجەسٸندە حيمييالىق ٶڭدەۋ جٷرگٸزٸلگەن القاپ كٶلەمٸ 3,1 ملن گەكتاردان 1,8 ملن گەكتارعا دەيٸن قىسقارىپ, 42%-عا ازايعان. سوعان قاراماستان, ەگٸستٸكتەردٸ زييانكەستەردەن قورعاۋ تولىق قامتاماسىز ەتٸلگەن.
بيىل حيمييالىق ٶڭدەۋ جۇمىستارى 1,8 ملن گەكتار اۋماقتا اگروتەحنيكالىق تالاپتارعا سەيكەس جٷرگٸزٸلگەن.
مينيسترلٸك مۇنى جاپپاي حيمييالىق ٶڭدەۋدەن زييانكەستەردٸڭ تارالۋىن ەرتە انىقتاپ, وشاقتاردى دەر كەزٸندە وقشاۋلاۋعا نەگٸزدەلگەن جاڭا باسقارۋ جٷيەسٸنە كٶشۋمەن بايلانىستىرادى.
سالانى تسيفرلاندىرۋ اياسىندا فيتوسانيتارييالىق احۋالدى ناقتى ۋاقىت رەجيمٸندە باقىلاۋعا مٷمكٸندٸك بەرەتٸن FITOCENTRE گەواقپاراتتىق جٷيەسٸ ٸسكە قوسىلعان. سونداي-اق مونيتورينگ پەن حيمييالىق ٶڭدەۋ جۇمىستارىن جٷرگٸزۋ ٷشٸن 103 ۇشقىشسىز ۇشۋ اپپاراتى ساتىپ الىنىپ, بٷركۋ تەحنيكاسىنىڭ سانى 427-دەن 556 بٸرلٸككە دەيٸن كٶبەيتٸلگەن.
مينيسترلٸكتٸڭ مەلٸمەتٸنشە, جٷرگٸزٸلگەن رەفورمالاردىڭ نەتيجەسٸندە 2026 جىلى بيۋدجەت شىعىستارى 2024 جىلمەن سالىستىرعاندا 2 ملرد تەڭگەگە نەمەسە 25%-عا قىسقارعان.
قازٸرگٸ ۋاقىتتا شەكارا ماڭىنداعى ٶڭٸرلەردەگٸ فيتوسانيتارييالىق جاعداي تۇراقتى. مينيسترلٸك شەگٸرتكە زييانكەستەرٸنٸڭ كٶشۋ دەرەكتەرٸ تٸركەلمەگەنٸن, قاجەتتٸ تەحنيكا شەكارالىق ايماقتاردا دايىن تۇرعانىن جەنە فيتوسانيتارييالىق احۋالعا تۇراقتى مونيتورينگ جالعاسىپ جاتقانىن مەلٸمدەدٸ.
