Astanada kóppáterli turǵyn úi kesheniniń qurylysyn qarjylandyrýǵa bólingen biýdjet qarajatyn iemdený jáne talan-tarajǵa salý deregi boiynsha "Dorstroitrest" JShS basshysyna qatysty sot úkimi shyǵaryldy, dep habarlaidy Dalanews.kz.
Bul is boiynsha QMA Astana qalasy boiynsha departamenti tergeý júrgizdi. Samruk-Kazyna Construction AQ men "Dorstroitrest" JShS arasynda qurylysqa investitsiia tartý týraly shart jasalyp, sonyń aiasynda merdigerge 2,6 mlrd teńge avans aýdarylǵan.
Alaida qurylys jumystary tiisti talaptarǵa sáikes júrgizilmei, belgilengen merzimde aiaqtalmaǵan. Avanstyń edáýir bóligi qurylysqa qatysy joq qaryzdy óteýge jáne kólik satyp alýǵa jumsalǵan.
Budan bólek 650 mln teńge jalǵan sharttar arqyly affilirlengen kompaniialardyń shottaryna aýdarylyp, qolma-qol aqshaǵa ainaldyrylǵan.
Sot úkimimen "Dorstroitrest" JShS basshysy Nurabaev kináli dep tanylyp, oǵan 7 jylǵa bas bostandyǵynan aiyrý jazasy taǵaiyndaldy. Sot sheshimimen jalpy quny 131 mln teńge bolatyn múlik memleket kirisine tárkilendi.
Al Samruk-Kazyna Construction AQ-nyń burynǵy basqarýshy direktory halyqaralyq izdeýde.
