استانادا كوپپاتەرلى تۇرعىن ءۇي كەشەنىنىڭ قۇرىلىسىن قارجىلاندىرۋعا بولىنگەن بيۋدجەت قاراجاتىن يەمدەنۋ جانە تالان-تاراجعا سالۋ دەرەگى بويىنشا "دورسترويترەست" ج ش س باسشىسىنا قاتىستى سوت ۇكىمى شىعارىلدى، دەپ حابارلايدى Dalanews.kz.
بۇل ءىس بويىنشا قما استانا قالاسى بويىنشا دەپارتامەنتى تەرگەۋ جۇرگىزدى. Samruk-Kazyna Construction اق مەن "دورسترويترەست" ج ش س اراسىندا قۇرىلىسقا ينۆەستيسيا تارتۋ تۋرالى شارت جاسالىپ، سونىڭ اياسىندا مەردىگەرگە 2،6 ملرد تەڭگە اۆانس اۋدارىلعان.
الايدا قۇرىلىس جۇمىستارى ءتيىستى تالاپتارعا سايكەس جۇرگىزىلمەي، بەلگىلەنگەن مەرزىمدە اياقتالماعان. اۆانستىڭ ەداۋىر بولىگى قۇرىلىسقا قاتىسى جوق قارىزدى وتەۋگە جانە كولىك ساتىپ الۋعا جۇمسالعان.
بۇدان بولەك 650 ملن تەڭگە جالعان شارتتار ارقىلى اففيليرلەنگەن كومپانيالاردىڭ شوتتارىنا اۋدارىلىپ، قولما-قول اقشاعا اينالدىرىلعان.
سوت ۇكىمىمەن "دورسترويترەست" ج ش س باسشىسى نۇرابايەۆ كىنالى دەپ تانىلىپ، وعان 7 جىلعا باس بوستاندىعىنان ايىرۋ جازاسى تاعايىندالدى. سوت شەشىمىمەن جالپى قۇنى 131 ملن تەڭگە بولاتىن مۇلىك مەملەكەت كىرىسىنە تاركىلەندى.
ال Samruk-Kazyna Construction اق-نىڭ بۇرىنعى باسقارۋشى ديرەكتورى حالىقارالىق ىزدەۋدە.
