Qazaqstandyqtar jeke investitsiialarǵa arnalǵan Tabys mobildi qosymshasynda suranysqa ie sandyq valiýta – Bitkoin satyp alý múmkindigine ie boldy. 28 sáýir kúni bul birjalyq nota Tabys investitsiialar dúkenine qosyldy. Onyń negizgi aktivi – ProShares Bitcoin Strategy ETF («BITO») aktsiiasy. BITO – baǵaly qaǵazdar Komissiiasy jáne AQSh birjalary (SEC) tirkegen, Bitkoin fiýcherstaryna salym salatyn alǵashqy jáne eń iri qor.
Bitkoin-ETN Tabys qosymshasyna qosylýynyń qurmetine uiymdastyrylǵan saltanatty is-sharany tanymal qazaqstandyq «Barys» hokkei klýbynyń oiynshylary Nikita Mihailis, Valerii Orehov jáne Anton Sagadeev júrgizdi.
Bitkoinǵa tikelei investitsiia salýǵa qaraǵanda, Tabys qosymshasynyń qoldanýshysy Bitkoin fiýcherstarynyń kórsetkishterine bekitilgen qundy qaǵazdarǵa investitsiialaýǵa múmkindik alady. Sondai-aq óz qorlaryn diversifikatsiialap, qosymshadaǵy ártúrli birjalyq notalarǵa salym jasai alady.
Barlyǵy Tabys-ta altyn, munai, S&P500 indeksi, Nasdaq100, AIXQI siiaqty on úsh birjalyq notalar jinaqtalǵan.
Astana International Exchange bastamasymen 2020 jyly jasalǵan Tabys mobildi qosymshasynyń negizgi mindeti – qazaqstandyqtar arasynda qundy qaǵazdarǵa investitsiialaýdyń artyqshylyqtaryn kórsetý, ol úshin neǵurlym qoldanysqa jeńil quraldy jasap shyǵaryp, jeke investorlardyń sany artýyna yqpal etý.
Tabys filosofiiasy – diversifikatsiialanǵan qundy qaǵazdar portfeline salym salýdyń uzaq merzimdi strategiiasy. Diversifikatsiia degenimiz ártúrli quraldarǵa investitsiialaýdy bildiredi: bir qaǵazdyń quny azaiyp bara jatsa, ekinshisi ósedi de, shyǵynǵa batpaýǵa septigin tigizedi. Endi Tabys qoldanýshylary portfelderine Bitkoin baǵaly qaǵazyn qosýǵa múmkindik aldy. Bitkoindy portfelge qosý jáne onyń úlesi investordyń táýekel profiline bailanysty.
Jalpy aitqanda, jańa BITO ETF bazalyq aktivi bar Bitkoin-ETN kriptovaliýtaǵa investitsiia salýdyń úderisin áldeqaida jeńildetedi. Qosyshalar júktep, sandy ámiiandar ashyp, bitkoindardy «sýyq» ámiianda saqtaýdyń qajeti joq. Bitkoin-ETN-dy birneshe batyrmanyń kómegimen-aq Tabys qosymshasynan satyp alýǵa bolady.
Bitkoin men bitkoin qundy qaǵazdaryna investitsiia salýdyń aiyrmashylyǵy nede?
Bitkoinǵa investitsiia salý
- Bitkoinǵa salym salsańyz, demek, kriptovaliýtalar birjasynda satylatyn jeke Bitkoinyńyz bar.
- Jeke Bitkoindardy saýdalaý kezinde ár tranzaktsiiaǵa 2-6% komissiia tóleýge májbúrsiz.
- Bitkoinǵa investitsiia salý úshin ony saqtaýǵa arnalǵan tsifrly ámiianyńyz bolýy kerek. Onyń qupiiasózin joǵaltýǵa múlde bolmaidy. Klientti qoldaý júiesi ne qupiiasózdi jańartý múmkindigi joq.
Bitkoin-ETN-ǵa investitsiia salý
- Bitkoin fiýchersteriniń kórsetkishterine bekitilgen birjalyq notalarǵa investitsiia salý siz jeke bitkoin almaisyz degendi bildiredi. Onyń ornyna Bitkoin fiýchersteriniń baǵasyn qadaǵalaityn jáne AIX siiaqty dástúrli birjada saýdalanatyn qorǵa salasyz.
- Bitkoin-ETN-ǵa salym salý úshin tsifrly ámiian qajet emes.
- Tabys qosymshasyndaǵy Bitkoin-ETN ProShares Bitcoin Strategy ETF jol ashady. Ol AQSh-ta ótemdiligi 1 mlrd AQSh dollarynan asatyn BITO tikerinde saýdalanady (https://www.proshares.com/our-etfs/strategic/bito).
Qosymsha aqparat
Astana International Exchange «Astana» Halyqaralyq qarjy ortalyǵy iýrisdiktsiiasynda 2017 jyly qurylǵan halyqaralyq deńgeidegi birja. AIX aktsionerleri – AHQO, Goldman Sachs, Shanhai qor birjasy, Jibek joly Qory jáne AIX birjasyna saýda platformasyn usynatyn NASDAQ. Birja óz qyzmetin aǵylshyn quqyǵy printsipine negizdelgen normativti-quqyqtyq orta negizinde júzege asyrady. Investitsiialyq qyzmet júrgizýge eń senimdi jaǵdai jasalǵan. AIX missiiasy – Ortalyq Aziia jáne onyń tóńireginde senimdi, ótimdi kapital naryqtaryn damytý, biznes pen investorlar úshin innovatsiialyq ónimder jasap shyǵarý.
*Tabys investorlary AHQO týraly Konstitýtsiialyq zańnyń 6-babyna sáikes Qazaqstan Respýblikasy tabys salyǵynan bosatylǵan.
QR jáne AHQO zańnamasynda bekitilgen kriptovaliýta ainalymyna shekteý qoiylmaidy.
