Sot eks-ministr Qýandyq Bishimbaevqa qatysty sot otyrysynda áleýmettik jelide jeke pikirin bildiretin jariialanymdarǵa tyiym salý týraly prokýrordyń ótinishin qanaǵattandyrdy, dep habarlaidy Dalanews.kz.
Memlekettik aiyptaýshylar áleýmettik jelidegi jariialanymdar sot protsesiniń qalypty ótýine kedergi keltiredi dep esepteidi.
"Sot otyrysynan keiin buqaralyq aqparat quraldarynda jariialanǵan málimdemeler sotqa qysym kórsetý áreketi retinde baǵalanýy múmkin. Osyǵan bailanysty protseske qatysýshylardyń barlyǵyn qylmystyq is júrgizý zańnamasynyń talaptaryn saqtaýǵa jáne protseske qatysýshylardyń qarsylyqtary, sot talqylaýy sheńberindegi málimdemeleri boiynsha óz pikirlerin áleýmettik jelilerde jariialaýdan bas tartýdy usynamyn", - dedi sýdia.
Aitýynsha, bul alqabiler arasynda teris pikir týdyryp, qylmystyq isti obektiv qaraýǵa kedergi keltirýi múmkin.
Eske salaiyq, 2024 jyldyń 1 sáýirinde Astanada burynǵy Ulttyq ekonomika ministri Qýandyq Bishimbaevqa qatysty is boiynsha sot protsesi jalǵasýda.
Al 27 naýryzda Astanada Qýandyq Bishimbaevqa qatysty basty sot otyrysy bastalǵan bolatyn.
Búgin Qazaqstannyń Joǵarǵy soty óziniń Youtube arnasynda sot zalynan tikelei efirde.
