سوت ەكس-مينيستر قۋاندىق بيشىمبايەۆقا قاتىستى سوت وتىرىسىندا الەۋمەتتىك جەلىدە جەكە پىكىرىن بىلدىرەتىن جاريالانىمدارعا تىيىم سالۋ تۋرالى پروكۋروردىڭ ءوتىنىشىن قاناعاتتاندىردى، دەپ حابارلايدى Dalanews.kz.
مەملەكەتتىك ايىپتاۋشىلار الەۋمەتتىك جەلىدەگى جاريالانىمدار سوت پروسەسىنىڭ قالىپتى وتۋىنە كەدەرگى كەلتىرەدى دەپ ەسەپتەيدى.
"سوت وتىرىسىنان كەيىن بۇقارالىق اقپارات قۇرالدارىندا جاريالانعان مالىمدەمەلەر سوتقا قىسىم كورسەتۋ ارەكەتى رەتىندە باعالانۋى مۇمكىن. وسىعان بايلانىستى پروسەسكە قاتىسۋشىلاردىڭ بارلىعىن قىلمىستىق ءىس جۇرگىزۋ زاڭناماسىنىڭ تالاپتارىن ساقتاۋعا جانە پروسەسكە قاتىسۋشىلاردىڭ قارسىلىقتارى، سوت تالقىلاۋى شەڭبەرىندەگى مالىمدەمەلەرى بويىنشا ءوز پىكىرلەرىن الەۋمەتتىك جەلىلەردە جاريالاۋدان باس تارتۋدى ۇسىنامىن"، - دەدى سۋديا.
ايتۋىنشا، بۇل القابيلەر اراسىندا تەرىس پىكىر تۋدىرىپ، قىلمىستىق ءىستى وبەكتيۆ قاراۋعا كەدەرگى كەلتىرۋى مۇمكىن.
ەسكە سالايىق، 2024 جىلدىڭ 1 ساۋىرىندە استانادا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆقا قاتىستى ءىس بويىنشا سوت پروسەسى جالعاسۋدا.
ال 27 ناۋرىزدا استانادا قۋاندىق بيشىمبايەۆقا قاتىستى باستى سوت وتىرىسى باستالعان بولاتىن.
بۇگىن قازاقستاننىڭ جوعارعى سوتى ءوزىنىڭ Youtube ارناسىندا سوت زالىنان تىكەلەي ەفيردە.
