Sot otyrysynda Qýandyq Bishimbaevtyń advokattary Baqytjan Baijanovqa til tigizdi, - dep habarlaidy Dalanews.kz.
Baijanov sot otyrysynda advokatynyń suraqtaryna jaýap bergennen keiin Bishimbaevtyń advokaty Nazken Qusaiynova "arsyzdar" dep aitqandai bolǵan.
Muny Baqytjan Baijanovtyń advokaty baiqap, sýdiaǵa eskertý jasaýdy surady. Sýdia da Qusaiynova "arsyzdar" dep aitqanyn baiqap qalǵan.
Osy sátte Qusaiynova ornynan atyp turyp "bul men emes" dep aqtala tústi.
Eske salaiyq, buǵan deiin Baqytjan Baijanov málimdeme jasaǵan bolatyn. Baijanov qaiǵyly oqiǵa bolǵan kúni Saltanat Núkenovany birneshe ret kórgenin aitty. Ol Saltanat meiramhanaǵa buryn da jii kelgenin aitady.
Baijanov gastroortalyqta 2022 jyldan beri direktor qyzmetin atqarǵan.
Sonymen qatar,Baijanov "Bishimbaev isine" qatysty tyń derekter aitty.
Buǵan deiin sot otyrysynda Baqytjan Baijanovtyń advokaty sotqa ótinish jasaǵan bolatyn. Onyń sózinshe, Baijanov Bishimbaevtan bólek otyrǵysy keletinin aitty.
"Bishimbaevty Baijanovtan alys otyrǵyzý qajet. Baijanov ózine qysym kórsetilip jatyr dep sanaidy. Olardyń arasynda kikiljiń bolyp jatyr. Tym quryǵanda erteńgi otyrysta Qýandyqtan aýlaq otyrsa bolar edi", - dedi Baijanovtyń advokaty.
Keiin muny Bishimbaevtyń inisi Baijanovtyń ózi de rastady.
"Ol maǵan jaýap berý kezinde "bylai ait, bylai ait" dep qysym kórsetip jatyr", - dedi Baijanov.
Baqytjan Baijanovqa Qylmystyq kodekstiń eki baby boiynsha aityp taǵylǵan:
- 432-baby (asa aýyr qylmysty jasyryp qalý);
- 434-baby (asa aýyr qylmysty habarlamaý).
