Astanada asa iri kólemdegi alaiaqtyq deregi boiynsha sot protsesi jalǵasyp jatyr. Bul iste talapker retinde sottalǵan eks-ministr Qýandyq Bishimbaevtiń anasy qatysyp otyr, dep habarlaidy Dalanews.kz.
3 aqpanda sotta Bishimbaevtiń burynǵy jubaiy Nazym Kaharmannyń aiǵaqtary tyńdalýy tiis boldy. Sonymen qatar, otyrysqa onlain formatta buǵan deiin Saltanat Núkenovanyń ólimine qatysty is boiynsha kýálik bergen sot-meditsinalyq sarapshy Tahir Halimnazarov ta qosyldy.
Sot otyrysynyń basynda sýdia Nazgúl Bapaqova kýálardy suraý kezinde jáne olardyń kórsetilimderi barysynda foto, video jáne aýdio túsirilim júrgizýge tyiym saldy.
Onyń túsindirýinshe, mundai sheshim sot otyrysy kezinde bolyp jatqan jaittardyń mán-maǵynasynyń burmalanýyna jol bermeý maqsatynda qabyldanǵan.
