Áielin uryp óltirdi dep aiyptalǵan eks-ministr Qýandyq Bishimbaevtyń isi boiynsha sot otyrysy bolyp jatyr. Sotta jantúrshigerlik derekter de jariia etildi. Ashyq sot otyrystaryna Núkenovanyń týystary jáne Qýandyq Bishimbaevtyń anasy qatysyp jatyr.
"Jas Alash" gazetiniń tilshisi Bishimbaevtyń ata-anasy qandai biznesterge qatysy baryn tekserip kórgen, - dep habarlaidy Dalanews.kz.
Ýálihan Bishimbaev – belgili ustaz. Birneshe jyl ártúrli joǵary oqý ornynda rektor bolǵan. 2006 jáne 2007 jyldary "Joǵary oqý oryndarynyń úzdik rektory" atanǵan. Ǵylym jáne tehnika salasyndaǵy Qazaqstan Respýblikasy Memlekettik syilyǵynyń laýreaty. 1994-1996 jyldary – Qyzylorda oblystyq máslihatynyń, 2003-2012 jyldary – Ońtústik Qazaqstan oblystyq máslihatynyń, 2012-2016 jyldary parlament májilisiniń depýtaty bolǵan.
"Ýálihan Bishimbaev atynda eshqandai biznes tirkelmegen. Bul áýlettiń kásibin eks-ministrdiń anasy Álmira Nurlybekova basqarady. Onyń atynda resmi 6 kompaniia bar", - dep jazylǵan basylym málimetinde.
Qýandyq Bishimbaevtyń anasy Álmira Nurlybekovanyń kompaniialary
- "Tehnikalyq litsei" jeke mekemesi
Shymkent qalasynyń Ádilet departamenti 2002 jylǵy 15 tamyzda tirkeýden ótkizgen. Quryltaishysy – Nýrlybekova Almira Baltabaevna. Mekeme bilim berý salasyndaǵy qyzmet túrimen ainalysady. Meken-jaiy – Shymkent qalasy, ál-Farabi aýdany, Qazybek bi kóshesi, 33. 2023 jylǵy aqsha ainalymy 1 990 363 487 teńge. Byltyr 40 619 663 teńge salyq tólegen. Memleketten 2021 jyly 174 618 862 teńgege bes, 2022 jyly 104 944 344 teńgege bir kelisimshart alyp oryndaǵan.
- Alawwal Partners Ltd jeke kompaniiasy
Astana halyqaralyq qarjy ortalyǵynda tirkelgen. Kompaniia ekonomikanyń ártúrli salalarynda jáne investitsiialyq qyzmette qarjylyq qyzmet kórsetedi. Mekenjaiy – Astana qalasy, Esil aýdany, Máńgilik El dańǵyly, 55/21. Direktory – Ibraev Kanat Bolatbekovich. Quryltaishylary – QR tsifrlyq damý, innovatsiialar jáne aeroǵarysh ónerkásibi ministrliginiń birinshi vitse-ministri Týleýshin Kanysh Amanbaevich, "Documentolog" JShS bas direktorynyń qarjy máseleleri jónindegi orynbasary Madiev Serjan Nýrahanovich jáne eks-ministrdiń anasy Nýrlybekova Almira Baltabaevna. Kompaniianyń 2023 jylǵy aqsha ainalymy 57 628 116 teńge. Byltyr 1 176 084 teńge salyq tólegen. Memleketten alǵan kelisimsharttary kezdespeidi.
- Success ABN jaýapkershiligi shekteýli seriktestigi
Astana qalasy boiynsha tirkeý basqarmasy 2021 jylǵy 25 mamyrda tirkeýden ótkizgen. Direktory – Baijanov Bahytjan Amirhanovich. Quryltaishylary arasynda Qýandyq Bishimbaevtyń anasy Nýrlybekova Almira Baltabaevna, onymen birge qamaýǵa alynǵan aǵasy Baijanov Bahytjan Amirhanovich jáne Jasýzakov Nýrlan Kýljanovich bar. Mekenjaiy – Astana qalasy, Ainakól kóshesi, 60. Kásiporynnyń byltyrǵy aqsha ainalymy 100 121 631 teńge. Tólegen salyǵy – 1 902 311 teńge. Memleketten alǵan kelisimsharttary týraly málimet joq.
- "Naýbet-II" jaýapkershiligi shekteýli seriktestigi
Túrkistan oblysy boiynsha filialynyń Ordabasy aýdandyq tirkeý jáne jer kadastry bóliminde alǵash ret 2003 jyly 27 mamyrda, keiinnen 2011 jyly 30 qyrkúiekte tirkeýden ótken. Direktory – Nýrlybekova Almira Baltabaevna. Quryltaishysy da ózi. Mekenjaiy – Túrkistan oblysy, Shubarsý aýyly, Agrosad alaby-1. Kásiporyn dándi daqyldardy ósirýmen, onyń ishinde tuqym sharýashylyǵymen ainalysady. 2022 jyly kásiporyn memleket qazynasyna 14 645 teńge salyq tólegen. Odan keiingi kompaniianyń aqsha ainalymy jáne memleketten alǵan kelisimsharttary týraly málimet kezdespeidi.
- "Ońtústik Qazaqstan sapa uiym" jaýapkershiligi shekteýli seriktestigi
Shymkent qalasy boiynsha tirkeý basqarmasynan 2005 jyly 21 qazanda tirkeýden ótken. Direktory ári quryltaishysy – Nýrlybekova Almira Baltabaevna. Kásiptik, ǵylymi jáne tehnikalyq qyzmetpen ainalysady. Mekenjaiy – Shymkent qalasy, ál-Farabi aýdany, Qazybek bi kóshesi, 33. Farmatsevtikalyq óndirispen ainalysqan. Qazirgi kúnde kompaniia qyzmetin toqtatqan bolý kerek, 7 jyldan beri salyq tólemegen. Tek 2017 jyly ǵana 42 750 teńge memleket qazynasyna aýdarypty. Alǵan kelisimsharttary da joq.
- "Nemetskii dom" jaýapkershiligi shekteýli seriktestigi
Shymkent qalasy boiynsha tirkeý basqarmasynan 2006 jylǵy 16 qarashada tirkeýden ótken. Direktory – Nýrlybekova Almira Baltabaevna. Quryltaishysy joq. Mekenjaiy – Shymkent qalasy, ál-Farabi aýdany, Qazybek bi kóshesi, 33. Kompaniia qyzmetin toqtatqan. Onyń aqsha ainalymy, tólegen salyǵy týraly málimetter kezdespeidi. Álmira Nurlybekovanyń joǵarydaǵy kompaniialardan bólek taǵy 2 JShS-ǵa qatysy bolǵan.
Olar: "EZy Park" jaýapkershiligi shekteýli seriktestigi Astana qalasy boiynsha tirkeý basqarmasynan 2019 jyly 23 jeltoqsanda alǵash ret, keiinnen 2024 jyly 14 naýryzda qaita tirkeýden ótken. Direktory – Ibraev Kanat Bolatbekovich. Quryltaishylary –Madiev Serjan Nýrahanovich; Ahmetjanov Azamat Birlesovich, Abdýllin Tasbolat Amanjolovich, Malik Kairat Kamilýly, Ospanov Alii Maratovich. Quryltaishylarynyń arasynda eks-ministrdiń anasy bolǵan. Biraq BAQ-taǵy keibir málimetterge qaraǵanda Saltanat Núkenovanyń óliminen keiin Nurlybekova Álmira quryltai músheliginen shyǵyp ketken. Mekenjaiy – Astana qalasy, Dostyq kóshesi, 16 P. Kásiporynnyń 2023 jylǵy aqsha ainalymy 1 903 723 010 teńge. Tólegen salyǵy – 38 851 890 teńge. Memleketten alǵan kelisimsharttary kezdespeidi. Dál osy JShS-ǵa tiesili "Gastrotsentrde" Saltanat Núkenova qaza tapqan BAU meiramhanasy ornalasqan.
Budan bólek, eks-ministrdiń anasy SAPA Logistics jaýapkershiligi shekteýli seriktestiginiń de quryltai múshesi bolǵan. Keiingi tirkeýde bul kompaniia quryltai músheliginen shyǵyp ketken.
"Biraq báribir kásiporyn Bishimbaevtarǵa tiesili. Sebebi Astana qalasy boiynsha tirkeý basqarmasynan 2024 jyly 2 aqpanda sońǵy ret tirkeýden ótken kompaniianyń direktory Dosmagambetov Arman Sagingalievich. Quryltaishylary – eks-ministrdiń naǵashysy Sultan Nurlybektiń jubaiy Adilova Karlygash Kanatbekovna jáne onyń týysy Adilov Ersain Kanatbekovich. Osy jerde aita keteiik, Qýandyq Bishimbaev 2017 jyly iri kólemde para aldy dep sottalǵanda onymen birge 22 adam kináli dep tabylǵan edi. Sonyń ishinde kásipker Sultan Nurlybek te 7 jylǵa bas bostandyǵynan aiyrylǵan bolatyn", - dep jazylǵan basylym málimetinde.
SAPA Logistics quramynda 100-ge jýyq adam jumys isteidi, kompaniia qoimalardy jalǵa beredi. Kásiporyn birneshe jyldan beri qarqyndy damyp keledi. Mysaly, 2023 jylǵy aqsha ainalymy - 7 815 253 736 teńge. Tólegen salyǵy – 148 489 821 teńge. 3 jyl boiy qatarynan 150 mln teńgege jýyq salyq tólep keledi. Jalpy tólegen salyǵy – 745 399 504 teńge.
"Budan bólek, 2019 jyly Shymkenttegi New Astana saýda ortalyǵynyń ǵimaraty Álmira Nurlybekovanyń atyna tirkelgen eken. Bul jerde lombard, kiim-keshek jáne turmystyq tehnika dúkenderi, sondai-aq, shahmat mektebi bar. Qazirgi saýda ornyna eks-ministrdiń anasynyń resmi túrde qatysy joq", - dep jazylǵan málimette.
